पदाची हवा डोक्यात गेल्यामुळे सध्या आयएएस अधिकारी पूजा खेडकर यांचे नाव देशभरात गाजत आहे. वादग्रस्त ठरलेल्या पूजा खेडकर यांचे रोज नवनवीन कारनामे समोर येत आहेत. त्यानंतर आता त्यांच्या आई मनोरमा खेडकर यादेखील वादाच्या भोवऱ्यात अडकल्या आहेत. त्यांचा शेतकऱ्याला रिव्हॉल्व्हर रोखून दमबाजी करतानाचा व्हिडीओ व्हायरल झाला आहे.
पुणे जिह्यात प्रोबशनरी आयएएस म्हणून आलेल्या आणि गैरवर्तनामुळे वाशीमला रवानगी करण्यात आलेल्या पूजा खेडकर सध्या चर्चेत आहेत. पुण्यापासून त्यांच्या कारनाम्यांची चर्चा असून आता थेट दिल्लीमध्येदेखील चौकशी सुरू होणार आहे. त्यांच्याबाबत रोज धक्कादायक बाब समोर येत आहे. सध्या सोशल मीडियावर त्यांच्या आई मनोरमा यांची गुंडागिरी करताना रिव्हॉल्व्हर रोखलेला व्हिडीओ व्हायरल होत आहे.
पूजा खेडकर यांच्या आईचा पोलिसांवर आरेरावी करणारा व्हिडीओ समोर आला होता. चौकशीसाठी घरी आलेल्या पोलिसांवर त्या आरोप करत असल्याचे व धमकावत असल्याचे दिसून आले आहे.
धडवली गावात खेडकर कुटुंबाने 25 एकर जमीन खरेदी केली होती. मात्र ती जमीन ताब्यात घेताना त्यांनी शेजाऱ्यांचीही जमीन ताब्यात घ्यायचा प्रयत्न केल्यामुळे गावकऱ्यांनी आक्षेप घेतला आणि त्यातून हा वाद उद्भवला, असं सांगितलं जात आहे. मला कायदा सांगू नका, मला सातबाऱ्यावर माझं नाव आहे, असे त्या शेतकऱ्यांना दरडावून सांगताना दिसत आहेत.
.jpeg)
Comment List