भुशी धरणात पाचजण बुडाले; तीन मृतदेह सापडले; अन्य दोघांचा शोध सुरू

लोणावळा शहरात पावसाळी पर्यटनासाठी येणाऱ्या पर्यटकांचे सर्वाधिक आकर्षण असलेले भुशी धरण ओव्हरफ्लो झाले असतानाच धरणाच्या पाण्यात एकाच कुटुंबातील पाचजण बुडाल्याची घटना घडली आहे.

शाहिस्ता लियाकत अन्सारी (37), अमिना सलमान ऊर्फ आदिल अन्सारी (13, रा. सय्यदनगर, हडपसर) आणि उमेरा सलमान ऊर्फ आदिल अन्सारी (8) या तिघींचे मृतदेह बचाव पथकाला सापडले, तर मारिया अकिल अन्सारी (9), अदनान सबाहत अन्सारी (4) या दोघांचा शोध सुरू आहे.

‘भुशी डॅमच्या पाठीमागील डोंगरावरून वाहणारा धबधबा आणि त्याचा प्रवाह धोकादायक आहे. तिथे ‘प्रवेश बंद’चे फलकही लावले आहेत. तरीही पर्यटक त्याकडे दुर्लक्ष करतात. पोलिसांकडे संख्याबळ कमी असल्याने प्रत्येक ठिकाणी आम्ही लक्ष देऊ शकत नाही’, असे सहाय्यक पोलीस अधीक्षक सत्यसाई कार्तिक म्हणाले.

Tags: Politics पुणे Pune राजकीय

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.