शहरातील कल्याणीनगर भागात बडय़ा बिल्डरच्या अल्पवयीन मुलाने दारूच्या नशेत भरधाव वेगातील पोर्शे कारने दुचाकीला दिलेल्या धडकेत दोघांचा जागीच मृत्यू झाला. शनिवारी मध्यरात्री अडीचच्या सुमारास कल्याणीनगर जंक्शन चौकात हा थरार घडला. अपघातानंतर पसार होण्याच्या तयारीत असलेल्या कारचालकाला नागरिकांनी चोप देऊन पोलिसांच्या ताब्यात दिले. याप्रकरणी येरवडा पोलीस ठाण्यात गुन्हा दाखल करण्यात आला आहे.
अनिस अवधिया व अश्विनी कोस्टा (रा. पुणे, मूळ- राजस्थान) असे मृत्यू झालेल्या दोघांची नावे आहेत. याप्रकरणी येरवडा पोलीस ठाण्यात अकिब रमजान मुल्ला (24, रा. चंदननगर, मूळ- सोलापूर) या तरुणाने तक्रार दिली आहे. त्यानुसार पोलिसांनी कारचालक 17 वर्षीय 8 महिने वयाच्या अल्पवयीन मुलावर गुन्हा नोंद केला असून, त्याला ताब्यात घेतले आहे. तत्पूर्वी पोलिसांनी याप्रकरणात गुन्हा नोंद केला आहे.
.jpeg)
Comment List