सुनेत्रा पवार यांच्या पराभवासाठी शिंदे गँग काम करतेय; संजय राऊत यांचा गौप्यस्फोट

महायुतीने बारामतीत खासदार सुप्रिया सुळे यांच्याविरोधात सुनेत्रा पवार यांना लोकसभेचे तिकीट दिले आहे. मात्र, त्यांचा पराभव व्हावा, यासाठी एकनाथ शिंदे यांची गँग काम करत आहे. त्यामुळे महायुतीतील गँगवॉरचा लवकरच स्फोट होईल, असा गौप्यस्पह्ट शिवसेनेचे नेते आणि खासदार संजय राऊत यांनी केला. पुण्यात पत्रकार परिषदेत ते बोलत होते.

संजय राऊत म्हणाले, बारामतीची लढाई ही आमच्यासाठी अस्मितेची असून, महाराष्ट्रातील 48 जागा आमच्यासाठी महत्त्वाच्या आहेत.  महायुतीला शरद पवार यांचा पराभव शक्य नसून, आम्ही त्यांच्यासोबत आहोत. सुप्रिया सुळे यांच्यासाठी सर्व भावंडे  त्यांचा प्रचार करीत असून, त्या प्रचंड बहुमताने जिंकून येणार आहेत. अजित पवार यांनी बारामतीत तळ ठोकला काय पिंवा स्वतŠला बांधून घेतले तरी काहीही होणार नाही. कारण त्यांच्या पत्नी सुनेत्रा पवार पराभूत होणार आहेत. दुसरीकडे राज्यात महायुतीकडून अनेक ठिकाणी अजूनही उमेदवार जाहीर केलेले नाहीत. त्यामुळे सध्याची परिस्थिती पाहाता महाविकास आघाडी 30 ते 35 जागा जिंकणार, असा विश्वास संजय राऊत यांनी व्यक्त केला. दरम्यान, उपमुख्यमंत्री देवेंद्र फडणवीस आणि अजित पवार हे अनेक मतदारसंघांत व्यापाऱयांना धमक्या देत आहेत. त्यांना आपल्या बाजूने येण्यासाठी नोटीस पाठवून रडीचे राजकारण करीत आहेत. मात्र, जनता त्यांच्या धमक्यांना आणि दबावाला झुकणार नाही, असेही संजय राऊत म्हणाले.

…तर पवारांना राजदूतवरून दूधच विकत बसावे लागले असते

एकीकडे अजित पवार यांनी सांगितले, मी विजयासाठी मैदानात उतरत असतो. मग 2019 मध्ये पार्थ पवार कसे पडले, असा सवाल संजय राऊत यांनी केला. स्वतःची कातडी वाचवण्यासाठी पक्षांतर केले आणि शरद पवार, सुप्रिया सुळे यांच्यावर टीका करत आहेत. आता त्यांच्या पत्नीच्या पराभवाची प्रक्रिया सुरू झाली आहे. त्यासाठी शिंदेंची यंत्रणाही कामाला लागल्याचे संजय राऊत म्हणाले. शरद पवार यांनी जर तुम्हाला सामर्थ्य दिले नसते, तर तुम्हाला बारामतीत राजदूत गाडीवर दूधच विकायला लागले असते, असा टोला खासदार संजय राऊत यांनी अजित पवार यांना लगावला.