नगरमध्ये भाजपची ‘डमी’ खेळी; मतविभाजनासाठी उभा केला अपक्ष नीलेश लंके

बारामतीमधून शरद पवार आणि रायगडमधून अनंत गीते यांच्या नावाचे अपक्ष उमेदवार लोकसभेच्या रिंगणात उतरले असताना आता नगरमध्ये नीलेश लंके नावाच्या अपक्ष उमेदवाराने अर्ज भरला आहे. भाजपने मत विभाजनासाठी हा डमी उमेदवार उभा केल्याचे म्हटले जात आहे.

नगर लोकसभा मतदारसंघातून भाजपचे सुजय विखे पाटील आणि राष्ट्रवादी काँग्रेस शरदचंद्र पवार पक्षाचे उमेदवार नीलेश लंके यांच्यात थेट लढत आहे. मात्र, आता आणखी एका नीलेश लंके याने निवडणूक रिंगणात प्रवेश करून अपक्ष म्हणून अर्ज भरला आहे. नीलेश लंके यांना मतदान करणाऱया मतदारांमध्ये संभ्रम निर्माण करण्यासाठी भाजपने ही रणनीती आखल्याचे म्हटले जात आहे.

 माझ्या नाकाचा साम्य असलेला उमेदकार तुमच्या माध्यमातून अर्ज दाखल करतो अगदी तुमच्या आतापर्यंतच्या पन्नास कर्षाच्या डमी कारभारासारखाच.. परीक्षेला नापास होणाऱया एखाद्या किद्यार्थ्याला परीक्षेची भीती काटते आणि डमी किद्यार्थी पुढे कराका लागतो, पैशाच्या बळाकर उमेदकार डमी उभा कराल ही.. पण मतदान रुपी जनता डमी तयार करता येत नाही एकढं लक्षात ठेका. असे राष्ट्रवादीचे उमेदवार निलेश लंके यांनी म्हटले आहे.

डमीचे राजकारण ही विखेंची परंपरा

 महाविकास आघाडीचे उमेदवार नीलेश ज्ञानदेव लंके यांच्या नावाशी साधर्म्य असलेल्या व्यक्तीने अर्ज भरला आहे. हा उमेदवार सुजय विखे यांनीच उभा केल्याचा आरोप महाविकास आघाडीने केला आहे. डमीचे राजकारण करण्याची विखे यांची परंपरा आहे, अशी टीका राष्ट्रवादीचे जिल्हाध्यक्ष राजेंद्र फाळके यांनी केली.