सोलापुरात आज राहुल गांधींची सभा
सोलापूर लोकसभा मतदारसंघातील इंडिया आघाडीच्या काँग्रेसच्या उमेदवार आमदार प्रणिती शिंदे यांच्या प्रचारार्थ काँग्रेस नेते राहुल गांधी यांची सभा होणार आहे. बुधवारी दुपारी तीन वाजता मरिआई चौकातील एक्झिबिशन ग्राऊंड येथे सभा आयोजित केली आहे. या सभेची जय्यत तयारी करण्यात आली आहे.
या जाहीर सभेस इंडिया आघाडी व महाविकास आघाडीतील प्रमुख नेत्यांची उपस्थिती राहणार आहे. माजी केंद्रीय मंत्री सुशीलकुमार शिंदे यांनी सभास्थळी भेट देऊन पाहणी केली. यावेळी काँग्रेसचे शहराध्यक्ष चेतन नरोटे, जिल्हा कार्याध्यक्ष सुरेश हसापुरे, प्रवक्ते अशोक निंबर्गी, सुशील बंदपट्टे, तिरूपती परकीपंडला, राज सलगर आदी उपस्थित होते.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List