आरोग्याची वेळीच काळजी न घेतल्यास त्याचे भविष्यात फार गंभीर परिणाम दिसू शकतात. त्यामुळे काही पदार्थ खातानाही विचार करायला हवा. असे काही पदार्थ आहेत, ज्यांचे सतत सेवन केल्यास तुमच्या शरीरावर गंभीर परिणा होऊ शकतो.
काही पदार्थांचे सतत सेवन केल्यास तुम्ही लवकर म्हातारे होण्याचीही शक्यता असते. यातील पहिला पदार्थ म्हणजे साखर होय. साखरेचे प्रमाणापेक्षा अधिक सेवन केल्यास वजन वाढते. त्वचेवरील तेज नाहीसे होते.
तळलेले अन्न खाणे टाळायला हवे. तळलेले अन्न खाल्ल्याने शरीरातील कोलेस्ट्रेरॉल वाढू शकते. त्वचेवर लवकर सुरकुत्या येऊ शकतात. त्यामुळेच तळलेले अन्न खाणे टाळले पाहिजे.
एखादा पदार्थ खराब होऊ नये म्हणून प्रिझर्व्हेटिव्ह्स आणि अन्य रसायनांचा वापर केला जातो. यालाच प्रोसेस्ड फुड म्हणतात. असे अन्न खाने टाळायला हवे. कारण यामुळे तुमच्या त्वचेचे नुकसान होऊ शकते.
प्रमाणापेक्षा कॅफीनचे सेवन केल्यास त्याचा परिणाम तुमच्या झोपेवर होतो. परिणाम शरीराला थकवा जाणवतो. मद्याचेही सेवन टाळायला हवे. मद्याचा शरीरावर फार वाईट परिमाम होतो. वजन वाढते. त्यामुळे माणसाचे वय जास्त दिसायला लागते.
(टीप- या लेखातील सर्व माहिती ही प्राथमिक स्वरुपाची आहे. सविस्तर माहितीसाठी किंवा कोणताही प्रयोग करण्याआधी त्या-त्या क्षेत्रातील तज्ज्ञांशी संपर्क साधावा)
About The Author
Comment List