रात्री झोपण्यापूर्वी ही एक गोष्ट करा, तुमचा सर्व थकवा नाहीसा होईल, झोपही लागेल शांत

अनेकदा रात्री काम करून , प्रवास, दगदगीने झोप लागत नाही. कितीही थकवा असला तरीही झोप लागत नाही.शरीर दुखणे आणि आळस जाणवतो. अशा परिस्थितीत तुम्हाला रात्री नीट झोप येत नाही. मग याच्यावर एक रामबाण उपाय म्हणजे तेलाने पायाच्या तळव्याची मालिश. बरेच लोक मोहरी किंवा नारळाचे तेल लावून संपूर्ण शरीराची मालिश करतात. मालिश केल्याने स्नायू दुखणे, शरीरदुखी, पेटके इत्यादी बरे होतात. परंतु, तुम्हाला हवे असल्यास, रात्री झोपण्यापूर्वी फक्त पायांची देखील तेलाने मालिश केली तरी देखील तुम्हाला फरक जाणवेल. ही एक जुनी आयुर्वेदिक परंपरा आहे, ज्यामुळे शरीरातील वेदना, थकवा इत्यादी काही मिनिटांत दूर होतील.

पायांना तेल मालिश करण्याचे फायदे

रात्री झोपण्यापूर्वी, तीळ किंवा मोहरीच्या तेलाने पायांची मालिश करा. या आयुर्वेदिक पद्धतीला पादभ्यंग म्हणतात. आजच्या धावपळीच्या जीवनशैलीत, ताणतणाव, चिंता, नैराश्य, थकवा आणि निद्रानाश हे सामान्य आहेत. आयुर्वेदानुसार, पादभ्यंग वात दोष संतुलित करते, शरीराच्या नसा शांत करते आणि रात्री गाढ आणि शांत झोप आणते. चरक संहिता आणि अष्टांग हृदयम् सारखे ग्रंथ तुमच्या दैनंदिन दिनचर्येचा भाग म्हणून ते वापरण्याची शिफारस करतात.

पायांच्या तळव्यांमध्ये अंदाजे 72000 नसा असतात, ज्या शरीराच्या विविध अवयवांशी जोडलेल्या असतात, जसे की हृदय, फुफ्फुसे, पचनसंस्था आणि मेंदू. जेव्हा या बिंदूंना तेलाने मालिश केली जाते तेव्हा त्याचा परिणाम संपूर्ण शरीरात जाणवतो. विज्ञान देखील आता या प्राचीन पद्धतीला समर्थन देते. न्यूरोलॉजी आणि रिफ्लेक्सोलॉजीनुसार, पायांची मालिश मज्जासंस्था शांत करते आणि डोपामाइन आणि सेरोटोनिन सारख्या आनंदी संप्रेरकांना सक्रिय करते, ज्यामुळे झोप आणि मूड सुधारू शकतो.

मालिशसाठी कोणते तेल चांगले आहे?

तीळाचे तेल मालिशसाठी सर्वोत्तम मानले जाते कारण ते वात शांत करते, त्वचेला पोषण देते आणि हाडे मजबूत करते. मोहरीचे तेल सर्दी आणि फ्लूपासून संरक्षण करते, रक्ताभिसरण सुधारते आणि स्नायूंच्या वेदना कमी करते. थंड हवामानात मोहरीचे तेल विशेषतः फायदेशीर असते कारण ते शरीरात उष्णता निर्माण करते.

पायांना मालिश करण्याची योग्य पद्धत

रात्रीची वेळ तुमच्या पायांना मालिश करण्यासाठी चांगली वेळ असते, कारण त्यामुळे सर्व थकवा लगेच दूर होईल आणि गाढ आणि शांत झोप लागते. झोपण्यापूर्वी, तुमचे पाय चांगले धुवा आणि पुसा. मग तीळ किंवा मोहरीचे तेल थोडेसे कोमट करून त्याने मालिश करा. तुमचे पाय, घोटे आणि पायाच्या तळव्यांवर 5 ते 10 मिनिटे हलक्या हाताने मालिश करा. नंतर, मोजे घाला जेणेकरून तेल तुमच्या चादरीला, किंवा बिछाण्याला लागणार नाही. आणि रोज तेलाने मालिश केल्याने शरीराचा ताण हळूहळू कमी होईल.