भांडुपच्या क्रिकेटवेड्याला लागली लॉटरी, जिओ सिनेमाच्या ‘Jeeto Dhan Dhana Dhan’ स्पर्धेत जिंकले 50 लाखांचे सोने

TATA IPL 2024 च्या सतराव्या हंगामाला जोरदार सुरूवात झाली. उद्घाटनाच्या सामन्यात चेन्नई सुपर किंग्सने रॉयल चॅलेजंर्स बंगळुरूचा पराभव केला. प्रेक्षकांनी सुद्धा या सामन्याचा भरघोस आनंद घेत आपापल्या संघांना पाठिंबा दिला. विशेष म्हणजे भांडुपच्या अँटोनी जोसेफ डिक्रूझसाठी हा सामना त्याच्या आयुष्याला कलाटनी देणारा ठरला असून त्याने 50 लाख किंमतीचे सोन्याचे बक्षीस जिंकले.

जिओ सिनेमाच्या माद्यमातून आयोजित ‘Jeeto Dhan Dhana Dhan’ स्पर्धेत सहभागी होत अँटोनी डिक्रूझने 50 लाख किंमतीचे सोन्याचे बक्षिस पटकावले. तर उपविजेतेपद गंगटोकचा रहिवाशी असणाऱ्या सुक राज लेपचाने जिंकले. त्याला 10 लाख रुपये किंमतीचे सोन्याचे बक्षिस मिळाले. यांच्यासोबत आणखी 50 दर्शकांनी जिओ सिनेमाच्या विनामुल्य स्पर्धेत भाग घेत प्रत्येकी 1 लाख रुपये किंमतीचे सोने जिंकले. तर मेघायलस्थित व्हीलर संगमा हा ‘जीतो धन धना धन’चा पहिला साप्ताहिक विजेता ठरला आहे. त्याला बक्षिसस्वरुपात आकर्षक हॅचबॅक कार मिळाली.

आयपीएल सामन्यांच्या दुसऱ्या दिवशी त्रिपुरातील पवित्र देब बर्माने पहिल्या सामन्यात (DL Vs PBK) मोटारसायकल जिंकली तर त्याच दिवशी झालेल्या दुसऱ्या सामन्यात (SRH Vs KKR) उत्तराखंडचा रहिवासी धीरज घुगत्यालटेक हा दुचाकीचा मानकरी ठरला.

तिसऱ्या दिवशी मध्य प्रदेशचा राजेंद्र कुमार आणि हिमाचल प्रदेशचा सौरभ कुमार यांनी मोटारसायकल पटकावली. पहिल्या सामन्यात (LSG Vs RR) राजेंद्र कुमार तर दुसऱ्या सामन्यात (GT Vs MI) सौरभ कुमार हे विजेते ठरले.

JioCinema वर TATA IPL पाहताना प्रेक्षकांना चांगला अनुभव घेता यावा आणि त्यांचा सहभाव वाढावा हा ‘जीतो धन धना धन’चा मुख्य उद्देश आहे. गेल्या हंगामात सुद्धा प्रेक्षकांनी या स्पर्धेत मोठ्या संख्येने सहभाग नोंदवला होता.