बॉलीवूडमधील प्रसिद्ध आणि लोकप्रिय दिग्दर्शक संजय लीला भन्साळी यांची वेब सिरीज ‘हीरामंडी’ 1 मे रोजी रिलीज झाली. या वेब सिरीजमध्ये टीव्ही अभिनेत्री श्रुती शर्मालाही महत्त्वाची भूमिका मिळाली आहे. यामध्ये तिने सायमाची भूमिका साकारली आहे. तिची ही भूमिका चाहत्यांना खूप आवडली आहे. या मालिकेत अभिनेत्रीने एक इंटिमेट सीनही केला आहे. या इंटिमेट सीनबद्दल तिने मुलाखतीदरम्यान महिती दिली.

 

View this post on Instagram

 

A post shared by Shruti Sharma (@shrutiisharmaa)

एटरटेनमेंट लाइव्हला दिलेल्या मुलाखतीत श्रुतीने इंटिमेट सीनबद्दल भाष्य केलं आहे. ‘एक सीन होता ज्यामध्ये मी आणि इक्बाल होतो आणि तो एक खूप रोमँटिक सीन होता. पडद्यावर असा रोमँटिक सीन मी पहिल्यांदाच केला आहे. आम्ही सीन करत होतो, डायलॉग बोलत होतो. तसेच कोरिओग्राफी करणे देखीलअवघड होते. आम्ही एकमेकांच्या वर होतो. या सीनदरम्यान माझ्या अंगावर पुरळ उठले. मला वाटतं आम्ही हा सीन दिवसभर शूट केला. यावेळी सीन करताना मला काही गोष्टी सहन कराव्या लागल्या, असे ती यावेळी म्हणाली.

हीरामंडी या वेब सिरीजमध्ये मनीषा कोईराला, सोनाक्षी सिन्हा, शर्मीन सेगल, फरदीन खान, शेखर सुमन, अध्यायन सुमन, संजीदा शेख, फरीदा जलाल या अभिनेत्रींनी काम केले आहे. या वेब सीरिजला चाहत्यांचा संमिश्र प्रतिसाद मिळत आहे. काही कलाकारांच्या अभिनयाचे कौतुक होत आहे तर काहींना खूप ट्रोल केले जात आहे.