Lok Sabha Election 2024 – 30 लाख सरकारी नोकऱ्या! राहुल गांधीनी सांगितला प्लॅन
लोकसभा निवडणूक 2024 च्या मतदानाचा तिसरा टप्पा 7 मे रोजी पार पडला. उर्वरित 4 टप्प्यांसाठी मतदान होणे बाकी आहे. दरम्यान राजकीय पक्ष मतदारांना विविध आश्वासने देत आहेत. यामुळे काँग्रेसचे माजी अध्यक्ष राहुल गांधी यांनी देखील काँग्रेसचे सरकार सत्तेवर आल्यास पहिल्या 80 दिवसांत 30 लाख सरकारी नोकऱ्या दिल्या जातील, असे आश्वासन दिले आहे.
देश के युवाओं!
4 जून को INDIA की सरकार बनने जा रही है और हमारी गारंटी है कि 15 अगस्त तक हम 30 लाख रिक्त सरकारी पदों पर भर्ती का काम शुरू कर देंगे।
नरेंद्र मोदी के झूठे प्रचार से भटकना मत, अपने मुद्दों पर डटे रहना।
INDIA की सुनो,
नफ़रत नहीं, नौकरी चुनो। pic.twitter.com/C84xxSJvnc— Rahul Gandhi (@RahulGandhi) May 9, 2024
राहुल गांधी यांनी सोशल मीडिया X प्लॅटफॉर्मवर एक व्हिडीओ शेअर केला आहे. यामध्ये त्यांनी मोदींच्या खोट्या प्रचाराने विचलित होऊ नका, भारताचे ऐका, द्वेष करू नका, तुमची नोकरी निवडा असे आवाहन केले आहे. “देशाची शक्ती आणि देशातील तरुण यांना मी सांगू इच्छितो की नरेंद्र मोदींच्या हातातून निवडणूक निसटत चालली आहे. ते आता पुन्हा भारताचे पंतप्रधान होणार नाहीत. येत्या चार-पाच दिवसांत काही नाट्य रचून तुमचे लक्ष दुसरीकडे वळवण्याचे त्यांनी ठरवले आहे. आपण आपले लक्ष विचलित करू नका. देशात बेरोजगारी ही सर्वात मोठी समस्या आहे. त्यामुळे मोदींच्या बोलण्याला बळी पडू नका” असे राहुल गांधी म्हणाले.
राहुल गांधी पुढे म्हाणले की, “नरेंद्र मोदींनी तुम्हाला सांगितले होते की ते 2 कोटी तरुणांना रोजगार देऊ. मात्र ते तुमच्याशी खोटे बोलले आहेत. त्यांनी नोटाबंदी केली, चुकीचा GST लागू केला आणि आत्तापर्यंत अदानी सारख्या लोकांसाठी सर्व कामे केली. भारतात 4 जूनला इंडिया आघाडीचे सरकार येईल. त्यानंतर भरती भरोसा या योजनेअंतर्गत ऑगस्टपर्यंत 15 ते 30 लाख तरुणांना रोजगार देण्याचे काम सुरू होईल, असे यावेळी राहुल गांधी यांनी सांगितले आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List