सोलापुरात काँग्रेसने साजरा केला ‘बेरोजगार दिन’

पंतप्रधान नरेंद्र मोदी यांचा 75वा वाढदिवस सोलापूर शहरात ‘काळा दिन’ तसेच ‘बेरोजगार दिवस’ म्हणून साजरा करण्यात आला. युवक काँग्रेसतर्फे शहरातील महात्मा गांधी पुतळय़ाजवळ हे आंदोलन करण्यात आले. यावेळी कार्यकर्त्यांनी ‘व्होट चोर’, ‘गद्दी चोर’, ‘नोकरी चोर’चा नारा देत परिसर दणाणून सोडला होता. या आंदोलनाची दिवसभर चर्चा सुरू होती. पंतप्रधान मोदी यांचा वाढदिवस देशासाठी काळा दिवस आहे. देशात सध्या अघोषित आणीबाणी असल्याचा आरोप करीत खासदार प्रणिती शिंदे म्हणाल्या, ‘पंतप्रधान मोदी यांनी विरोधकांची मुस्कटदाबी करत प्रसारमाध्यमांवर दबाव ठेवला आहे. तर, दुसरीकडे गोदी मीडिया फोफावले आहे. शेतकरी रस्त्यावर उतरलेले आहेत. देशात बेरोजगारी वाढली आहे. इंडिया-पाक मॅच खेळवून दहशतवादी हल्ल्यात मृत्यू झालेल्यांचा अपमान केला आहे. त्यामुळे आजचा दिवस देशासाठी काळा दिवस असल्याची टीका त्यांनी केली.’

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.