पुणे बॉम्बस्फोट प्रकरण; आरोपीचा जामीन फेटाळला

पुणे येथे 2012 साली झालेल्या बॉम्बस्फोट प्रकरणातील आरोपीला मुंबई सत्र न्यायालयाने दणका दिला आहे. गुह्याचे स्वरूप गंभीर आणि आरोपीची प्रमुख भूमिका लक्षात घेता केवळ कारावासाच्या कारणावरून जामीन देणे योग्य नाही असे निरीक्षण नोंदवत सत्र न्यायालयाने आरोपीचा जामीन अर्ज फेटाळून लावला. असद खान असे त्या आरोपीचे नाव आहे. पुण्यात 1 ऑगस्ट 2012 रोजी पाच स्फोट झाले. या घटनेत एक जण जखमी झाला. या प्रकरणात नऊ जणांविरुद्ध गुन्हा दाखल करण्यात आला असून आरोपी असद खानला 20 डिसेंबर 2012 रोजी अटक करण्यात आली. तो 13 वर्षांपासून कोठडीत आहे. जामीन अर्जावर न्यायाधीश शायना पाटील यांच्यासमोर सुनावणी घेण्यात आली. विशेष सरकारी वकील वैभव बागडे यांनी जामीन अर्जाला विरोध केला.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.