रशियाचे Mi-8 हेलिकॉप्टर बेपत्ता, उड्डाणानंतर काही वेळातच संपर्क तुटला

रशियात खासगी विमान कंपनीचे हेलिकॉप्टर सोमवारी उड्डाणानंतर बेपत्ता झाले. बेपत्ता हेलिकॉप्टरचा शोध सुरू आहे. मगदानहून एक An-26 विमान देखील शोध मोहिमेत सहभागी झाले आहे. सुदूर पूर्वेकडील प्रदेशात हे हेलिकॉप्टर बेपत्ता झाले असून रशियन आपत्कालीन मंत्रालयाच्या विमान वाहतूक शाखेनेही शोधमोहीम सुरू केली आहे.

मिळालेल्या माहितीनुसार, हे हेलिकॉप्टर ओखोत्स्क शहरातून मागदानला चालले होते. ओखोत्स्क शहरातून मगदान शहराकडे उड्डाण करत असताना वॅझलेट एअरलाइन्सचे Mi-8 हेलिकॉप्टर नियोजित वेळेवर संपर्क साधण्यात अयशस्वी झाले. बेपत्ता झालेल्या Mi-8 हेलिकॉप्टरमध्ये तीन क्रू मेंबर्स आणि दोन तंत्रज्ञ होते. देखभालीचे काम पूर्ण करून सर्वजण त्यांच्या गंतव्यस्थानाकडे उड्डाण करत होते.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.