स्टंट सीन जीवावर बेतला, चित्रीकरणादरम्यान सेटवरच स्टंटमनचा मृत्यू

कार अपघाताचा सीन करत असताना स्टंटमनचा सेटवरच मृत्यू झाल्याची घटना समोर आली आहे. स्टंटमनच्या मृत्यूमुळे दाक्षिणात्य सिनेसृष्टीवर शोककळा पसरली आहे. दाक्षिणात्य चित्रपट ‘वेट्टूवम’ च्या चित्रीकरणादरम्यान हा अपघात घडला. एस.एम. राजू असे मयत स्टंटमनचे नाव आहे.

राजू यांनी अनेक दाक्षिणात्य सिनेमांत स्टंटमन म्हणून काम केले होते. दिग्दर्शक पा. रंजित यांच्या वेट्टूवम या चित्रपटाचे नागपट्टिनम येथे रविवारी शूटिंग सुरू होते. सेटवर कार अपघाताचा सीन शूट करत असताना दुर्घटना घडली आणि राजू यांचा मृत्यू झाला. या स्टंटचा व्हिडिओ देखील सोशल मीडियावर व्हायरल झाला आहे.

दाक्षिणात्य अभिनेता विशालने सोशल मीडियावर राजूच्या निधनाची पुष्टी करत त्यांना श्रद्धांजली वाहिली आहे. राजू यांच्या कुटुंबीयांना मदत करण्याचे आश्वासन विशालने दिले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.