Ratnagiri News – आता पोलीस ठाण्यात फेऱ्या माराव्या लागणार नाहीत, फिर्यादीला तपासाची माहिती मोबाईलवर मिळणार

प्रगती अभियानांतर्गत फिर्यादीला गुन्ह्याच्या तपासातील प्रगतीबाबत सर्व माहिती त्यांच्या मोबाईलवर संदेशाद्वारे देण्यात येणार आहे. तसेच ज्येष्ठ नागरिकांसाठी हेल्पलाईन सुरू करण्यात आली असल्याची माहिती जिल्हा पोलीस अधीक्षक नितीन बगाटे यांनी आज पत्रकार परिषदेत दिली.

गुन्हा दाखल झाल्यानंतर फिर्यादीला तपासातील प्रगतीची माहिती घेण्यासाठी पोलीस ठाण्यात फेऱ्या माराव्या लागणार नाहीत. फिर्यादीला सर्व माहिती मोबाईलवर मिळणार आहे. तसेच ज्येष्ठ नागरिकांसाठी हेल्पलाईन सुरू करण्यात आली आहे. हेल्पलाईन मो.क्र. 9684708316 आणि 8390929100 यावर संपर्क साधावा असे आवाहन जिल्हा पोलीस अधीक्षक नितीन बगाटे यांनी केले.यावेळी त्यांनी सर्व पोलीस ठाणे आणि अधिकारी वर्गाचे मोबाईल क्रमांक जाहिर केले.यावेळी अपर जिल्हा पोलीस अधीक्षक जयश्री गायकवाड उपस्थित होत्या.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.