भाड्याची खोली, मजुरीवर उदरनिर्वाह अन् वार्षिक उत्पन्न 9 कोटी; आयकर विभागाने धाडली नोटीस

भाड्याची खोली, मजुरीवर उदरनिर्वाह अन् वार्षिक उत्पन्न 9 कोटी; आयकर विभागाने धाडली नोटीस

आयकर विभागाचा भोंगळ कारभार उघड करणारी घटना उत्तर प्रदेशात समोर आली आहे. मोलमजुरी करून उदरनिर्वाह करणाऱ्या एका गरीब कुटुंबाला 9 कोटी रुपयांपेक्षा अधिक उत्पन्नासाठी आयकर विभागाने नोटीस धाडली आहे. नोटीस पाहताच कुटुंबाच्या पायाखालची जमीनच सरकली आहे. सदर नोटीस घेऊन पीडित कुटुंब सरकारी कार्यालयात पायपीट करत आहे. उत्तर प्रदेशातील लखीमपूर खेरी येथे हे खळबळजनक प्रकरण समोर आले आहे.

नेमकं प्रकरण काय?

लखीमपूर शहराला लागून असलेल्या खेरी टाउनमधील मोहल्ला कटरा येथे सईद आणि त्यांचे कुटुंब राहते. आयकर विभागाने सईदला धाडलेल्या नोटीसमध्ये तो एका वर्षात 9,30,57,939 रुपयांपेक्षा जास्त उलाढाल असलेल्या कंपनीचा मालक असल्याचे म्हटले आहे. प्रत्यक्षात मात्र सईद मजुरीचे काम करून आपल्या कुटुंबाची उपजीविका करतात. तसेच त्यांच्याकडे स्वतःचे घर देखील नाही. ते एका भाड्याच्या झोपडीत कुटुंबासह राहतात. 9 कोटींहून अधिक रकमेची नोटीस मिळाल्यानंतर सईदच्या कुटुंबाला धक्का बसला आहे. ते सतत सरकारी कार्यालयांमध्ये फेऱ्या मारत आहेत.

बँकेने केवायसीसाठी कागदपत्रे मागितली होती. त्यासाठी त्यांनी त्यांचे पॅन कार्ड आणि आधार कार्ड सादर केले होते. त्यानंतर ही फसवणूक झाली असावी अशी शक्यता सईदने बोलून दाखवली. फसवणूक करणाऱ्याला कठोर शिक्षा द्यावी आणि आपल्याला न्याय मिळावा, अशी मागणी सईद यांनी केली आहे.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

आधारकार्ड हरवले तर? परत मिळवण्यासाठी फॉलो करा ‘या’ सोप्या टिप्स आधारकार्ड हरवले तर? परत मिळवण्यासाठी फॉलो करा ‘या’ सोप्या टिप्स
आधारकार्ड आता सरकारी कामासोबत खासगी कामासाठीसुद्धा खूपच आवश्यक झाले आहे. आधारकार्ड हरवले तर काय करावे हे अनेकांना कळत नाही. त्यांच्यासाठी...
Pune news – कुरिअर बॉय नव्हे; तरुणीनेच रचला बनाव, दिशाभूल केल्याने तब्बल 600 पोलीस लागले कामाला
दरवर्षी 3 ऑक्टोबरला ‘अभिजात मराठी भाषा दिवस’; आठवडाभर व्याख्याने, प्रदर्शने, विविध स्पर्धांचे नियोजन
BJP Leader Shot Dead – भाजप नेत्याची गोळ्या झाडून हत्या, घराबाहेर हल्लेखोरांनी एकटं गाठलं अन्…
मराठी शिकणार नाही, काय करायचे ते करा! उद्योजक सुशील केडियाची मुजोरी
हिंदी सक्तीविरोधातील शेकडो आंदोलनकर्त्यांवर गुन्हे! सरकारकडून आकसाने कारवाई
शालेय शिक्षणाची अवनती, जाधव समिती रद्द करा; मराठीच्या व्यापक हितासाठी चळवळीची मागणी