Pune News – नदीपात्रात उतरून सेल्फी काढणाऱ्या तरुणांना घडवली अद्दल, उठाबशा काढायला लावत पोलिसांनी शिकवला धडा

राज्यात सध्या पावसाने धुमाकूळ घातला आहे. पुणे जिल्ह्यात पावसाचा जोर कायम आहे. सतत कोसळणाऱ्या पावसामुळे नद्या, धरणे ओव्हरफ्लो झाले आहेत. यामुळे प्रशासनाने नागरिकांना धरण, नदी परिसरात न जाण्याचे आवाहन केले आहे. असे असतानाही हुल्लडबाज तरुणाई धरण परिसरात, धबधब्याखाली जीवाची पर्वा न करता थिल्लरपणा करताना दिसते. अशा तरुणाईला पोलिसांनी चांगलीच अद्दल घडवली आहे. नदीपात्रात अंघोळ करत सेल्फी काढणाऱ्या तरुणांना पोलिसांनी उठाबशा काढायला लावल्या.

प्रशासनाने नदीपात्रात न उतरण्याचे निर्देश देऊनही पुण्यातील काही तरुण अंघोळीसाठी नदीपात्रात उतरले होते. अंघोळ करत सर्वजण सेल्फी काढत होते. याबाबत माहिती मिळाल्यानंतर पोलिसांना तात्काळ सदर ठिकाणी दाखल होत तरुणांना उठाबशा काढायला लावत चांगलाच धडा शिकवला. तसेच पुन्हा नदी पात्रात उतरल्यास कठोर कारवाईचा इशारा पोलिसांनी दिला. तरुणांचा उठाबशा काढतानाचा व्हिडिओ सोशल मीडियावर चांगलाच व्हायरल झाला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.