शिंदेंचे विमान उडवण्यास पायलटचा नकार, जळगाव विमानतळावर गोंधळ

सलग डय़ुटी आणि तब्येतीच्या कारणास्तव उपमुख्यमंत्री एकनाथ शिंदे यांचे विमान उडवण्यास पायलटने नकार दिला आणि जळगाव विमानतळावर बराचवेळ नाटय़ घडले. दरम्यान, नंतर त्याच पायलटने हे विमान मुंबईला आणले.

शिंदे जळगाव येथून मुंबईला येणार होते. मात्र, ऐनवेळी पायलटने विमान उड्डाणास नकार दिला. 12 तासांहून अधिक डय़ुटी झाल्याने तसेच तब्येत बरी नसल्याने मला विमान नेणे शक्य नाही, असे त्याने सांगितले. त्यामुळे शिंदे आणि त्यांचा लवाजमा अडकून पडला. त्यानंतर मंत्री गिरीश महाजन आणि गुलाबराव पाटील तिथे पोहोचले. ते विमान कंपनीशी बोलले. पायलटची डॉक्टरांकडून तपासणी करण्यात आली. डय़ुटी संपलेली असल्याने नव्याने परवानगी घेण्यात आली. त्यानंतरच त्याच पायलटसह विमान निघाले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.