Mumbai News – जागेच्या वादातून भाजी मंडईत तुफान राडा, विक्रेत्यांची एकमेकांना मारहाण

जागेच्या वादातून दोन भाजी विक्रेत्यांमध्ये मंडईतच तुफान राडा झाला. या मारहाणीत एक जण जखमी झाला आहे. बोरीवलीतील गोराई परिसरात ही घटना घडली. या घटनेचा व्हिडिओ सोशल मीडियावर तुफान व्हायरल झाला आहे. व्हिडिओ व्हायरल होताच बोरीवली पोलीस ठाण्यात गुन्हा दाखल करण्याची प्रक्रिया सुरू आहे.

बोरीवली पश्चिमेतील गोराई भाजी मंडईत सकाळच्या सुमारास विशिष्ट ठिकाणी धंदा लावण्याच्या कारणातून दोन विक्रेत्यांमध्ये वाद झाला. पाहता पाहता वाद विकोपाला गेला अन् हाणामारी सुरू झाली. गर्दीची वेळ असल्याने मंडईत एकच गोंधळ उडाला. यात एका विक्रेत्याच्या पायाला गंभीर दुखापत झाली असून त्याला उपचारासाठी रुग्णालयात दाखल करण्यात आले आहे. पोलीस प्रकरणाचा सखोल तपास करत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.