नागपंचमीदिवशी नाग गळ्यात घालून रील बनवत होता, थेट रुग्णालयात पोहचला

सोशल मीडियावर रील बनवण्यासाठी तरुणाई नको ती स्टंटबाजी करते आणि संकट ओढवून घेते. अशीच नको ती स्टंटबाजी एका तरुणाच्या चांगलीच अंगलट आली आहे. नागपंचमीदिवशी नाग गळ्यात घालून रील बनवणे एका तरुणला चांगलेच महागात पडले आहे. रील शूट करत असताना नागाने तरुणाच्या हाताला दंश केला. तरुणाला उपचारासाठी तात्काळ रुग्णालयात दाखल करण्यात आले.

उत्तर प्रदेशातील औरेया येथे ही घटना उघडकीस आली आहे. नागपंचमीनिमित्त मंगळवारी एक गारुडी नाग घेऊन आला होता. गारुडी नागरिकांना नागाचे दर्शन देत होता. यावेळी अमित नामक तरुण तेथे आला. अमितने गारुडीकडून नाग घेतला आणि गळ्यात घालून नागासोबत रील शूट करत होता.

रील शूट करत असतानाच नागाने त्याच्या हाताला दंश केला. यानंतर त्याची प्रकृती बिघडू लागली. कुटुंबीय आणि स्थानिकांनी तात्काळ त्याला रुग्णालयात नेले. या घटनेचा व्हिडिओ सोशल मीडियावर व्हायरल होत आहे. तरुणाची प्रकृती आता स्थिर आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.