एसटीचे पाच हजार चालक, वाहक हंगामी वेतन श्रेणीवर; एकत्रित पद निर्माण केल्याने कर्मचाऱ्यांना मोठा फटका

राज्य परिवहन महामंडळात ‘चालक तथा वाहक’ हे पद नव्याने निर्माण केल्याने कर्मचाऱयांना मोठा फटका बसला आहे. नव्या पदावरील कर्मचाऱयांना चालकाच्या मंजुरीत समाविष्ट केले आहे. त्यामुळे चालक पदात अतिरिक्त कर्मचारी झाले असून चालक आणि वाहक पदावरील पाच हजार कर्मचाऱयांना हंगामी वेतन श्रेणीवर काम करावे लागत आहे.

एसटीच्या स्थापनेपासून चालक आणि वाहक पदासाठी स्वतंत्र भरती केली जात होती. मात्र 2016 मध्ये ‘वाहक’ पद गोठवून ‘चालक तथा वाहक’ असे एकत्रित पद निर्माण करण्यात आले. ते पद चालकाच्या मंजुरीत समाविष्ट केल्याने त्याचा फटका राज्यभरातील पाच हजार चालक व वाहकांना बसला. चालक व वाहक या दोन्ही पदांचे एकत्रीकरण केल्यास कर्मचाऱयांचा प्रश्न सुटू शकेल. त्यादृष्टीने कार्यवाही करण्याची मागणी महाराष्ट्र एसटी कर्मचारी काँग्रेसचे सरचिटणीस श्रीरंग बरगे यांनी परिवहनमंत्र्यांकडे केली आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.