कामावर निघालेल्या महिलेला अंधाराचा फायदा घेत रस्त्यावरून फरफटत निर्जनस्थळी नेत तिच्यावर बलात्कार केल्याची धक्कादायक घटना मंगळवारी रात्री चाकणजवळील मेदनकरवाडी येथे घडली. त्यामुळे एमआयडीसीमध्ये काम करणाऱया महिला सुरक्षेचा प्रश्न पुन्हा एकदा ऐरणीवर आला आहे.
पीडित महिला रात्रपाळीसाठी पंपनीत जात होती. यावेळी आरोपीने तिचा पाठलाग करत खंडोबा मंदिराजवळ तिचा रस्ता अडवला. त्यानंतर जबरदस्तीने तिला ओढत निर्जनस्थळी नेले. महिलेने आरडाओरडा करण्याचा प्रयत्नही केला. तिने आरोपीला चावाही घेतला. मात्र, तिच्यावर अत्याचार करून तो पसार झाला. त्यावेळी एक कामगार महिला आणि पुरुष तेथून जात होते. त्यांच्या मदतीने पोलीस नियंत्रण कक्षाला कॉल करून पीडित महिलेने पोलिसांना बोलावून घेतले. पोलीस उपायुक्त शिवाजी पवार, गुन्हे शाखेची पथके आणि स्थानिक पोलीस घटनास्थळी दाखल झाले. श्वानपथक आणि फॉरेन्सिक पथकाची मदत घेण्यात आली आहे. पोलिसांकडून परिसरातील सीसीटीव्ही फुटेज तपासले जात आहेत. आरोपीच्या शोधासाठी विशेष पथक तैनात करण्यात आले आहे. या घटनेमुळे औद्योगिक क्षेत्रात खळबळ उडाली असून, महिलांमध्ये भीतीचे वातावरण निर्माण झाले आहे.
‘चाकणच्या एका खासगी रुग्णालयात आणि त्यानंतर वायसीएम रुग्णालयात दाखल केले. आरोपीच्या शोधासाठी विशेष पथके तैनात करण्यात आली आहेत.’- प्रमोद वाघ, वरिष्ठ पोलीस निरीक्षक, चाकण.
निर्मनुष्य परिसरामुळे महिलांची कुचंबना
घटना घडली तो परिसर अतिशय निर्मनुष्य आहे. या भागात मोठय़ा प्रमाणात वेश्याव्यवसाय करणाऱया तृतीयपंथीयांचाही वावर असतो. या तृतीयपंथीयांकडून रस्त्याने ये-जा करणाऱयांना अश्लील हावभाव करून इशारे केले जातात. त्यामुळे या रस्त्याने पंपनीत कामावर जाणाऱया महिलांची कुचंबना होते. या भागात महिलांची छेडछाड करण्याचे प्रकारही अनेकदा घडले आहेत. मात्र, पोलिसांकडे तक्रार करण्यास त्या धजावत नाहीत. कुटुंबीयांना सांगितल्यास नोकरी सोडून घरी बसण्याची वेळ येऊ शकते. त्यामुळे महिलांना हा त्रास सहन करावा लागतो.
आरडाओरडा व्यर्थ ठरला
पीडितेवर अत्याचार होत असताना तिच्यापासून काही अंतरावर एक व्यक्ती शतपावली करत होता. पीडितेने त्याला पाहिले आणि मोठय़ाने आरडाओरडा केला. मात्र, पीडितेचा आवाज त्याच्यापर्यंत पोहचला नाही. त्यामुळे पीडितेला कोणाची मदत मिळून शकली नाही.
Comment List