ड्रोन उडवल्याप्रकरणी मुंबईत गुन्हा दाखल

मुंबई शहरात ड्रोन उडवण्यास बंदी असतानादेखील पवई येथे ड्रोन उडवल्याचा प्रकार समोर आला आहे. याप्रकरणी पवई पोलिसांनी एका तरुणाविरोधात गुन्हा नोंद केला आहे. रविवारी रात्री मुंबई पोलिसांच्या नियंत्रण कक्षात एक पह्न आला. पवईच्या साकी विहार रोड येथे एक ड्रोन खाली पडताना दिसल्याचे सांगण्यात आले. त्यानंतर पोलिसांनी तत्काळ घटनास्थळी धाव घेत चौकशी केली असता हैदराबादचा मूळ रहिवासी असलेल्या एका तरुणाने ड्रोन उडवल्याचे निदर्शनास आले. त्याने एक वर्षापूर्वी ड्रोन विकत घेतले होते. ते खराब झाल्याने त्याची दुरुस्ती करून तो चाचणी घेत होता. याप्रकरणी नागरिकांनी दिलेल्या माहितीवरून त्याला ताब्यात घेतले.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.