न्यूयॉर्कच्या शाळेत मोबाईलवर बंदी

न्यूयॉर्कच्या सार्वजनिक शाळांमध्ये मोबाईल फोन वापरण्यास बंदी घालण्यात आली आहे. पुढील शैक्षणिक वर्षापासून हा निर्णय लागू होईल. या निर्णयाला गर्व्हनर कॅथी हॅचुल यांनी ‘बेल टू बेल’ असे नाव दिलंय. याचा अर्थ शाळेच्या पहिल्या बेलपासून शेवटच्या बेलपर्यंत स्मार्टफोन वापराला बंदी. मात्र काही अपवादात्मक प्रकरणं म्हणजे वैद्यकीय गरज, किंवा विशेष मुले जी संवाद साधू शकत नाहीत, त्यांना या निर्णयातून वगळण्यात आले आहे. त्याच वेळी पालकांना मुलांशी संपर्क साधता येईल, याची व्यवस्था करण्यास शाळांना सांगण्यात आलंय. कॅलिफोर्निया, फ्लोरिडा यांसारख्या राज्यांनी याआधीच शाळांमध्ये मोबाईलबंदीचा कडक निर्णय लागू केलेला आहे.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.