Mpox ची जगभरात दहशत, तब्बल इतक्या लोकांनी गमावले प्राण, भारताच्या वेशीवर भयानक आजार

मंकीपॉक्सने जगभरात दहशत निर्माण केली आहे. युरोप आणि आशियामध्ये मंकीपॉक्सने आजाराने हाहाकार माजवला आहे. आजार धोकादायक स्थितीत पोहोचल्यामुळे जागतिक आरोग्य संघटनेने MPOX ला जागतिक आरोग्य आणीबाणी घोषित केली आहे. दरम्यान काँग्रेस नेते पृथ्वीराज चव्हाण यांनी महाराष्ट्राचे मुख्यमंत्री एकनाथ शिंदे यांना पत्र लिहून मुंबई विमानतळावर चाचणी आणि क्वारंटाईन सुविधा सुरू करण्यास सांगितलं आहे.

एक्सवर पृथ्वीराज चव्हाण यांनी शिंदे यांना पत्र पाठवलं आहे. ‘Mpox विषाणू जगभरात पसरत आहे. तो आपल्या शेजारी पोहोचला आहे. High risk देशांतून येणाऱ्या सर्व प्रवाशांसाठी मुंबई विमानतळावर कठोर चाचणी आणि विलगीकरण प्रोटोकॉल लागू करण्यासाठी मी मुख्यमंत्र्यांना पत्र लिहिले आहे.’ पृथ्वीराज चव्हाण यांनी लिहिलेलं पत्र सध्या चर्चेत आहे.

Mpox विषाणू जगभरात पसरत आहे. तो आपल्या शेजारी पोहोचला आहे. High risk देशांतून येणाऱ्या सर्व प्रवाशांसाठी मुंबई विमानतळावर कठोर चाचणी आणि विलगीकरण प्रोटोकॉल लागू करण्यासाठी मी मुख्यमंत्र्यांना पत्र लिहिले आहे. #Mpox #StaySafe pic.twitter.com/sZNOUM37Z5

— Prithviraj Chavan (@prithvrj) August 17, 2024

डेमोक्रॅटिक रिपब्लिक ऑफ कांगोच्या आरोग्य मंत्रालयाच्या महामारीविषयक रिपोर्टनूसार, आरोग्य मंत्री रॉजर काम्बा म्हणाले की, 2024 च्या सुरुवातीपासून या देशात 15,664 लोकांना मंकीपॉक्सची लागण झाल्याची माहिती समोर येत आहे, तर यातील 548 लोकांचे आजाराने प्राण घेतले आहेत. देशातील सर्वाधिक प्रभावित राज्यांमध्ये इक्वेटूर, साउथ किवु, साउथ उबांगी, संकुरु, त्शुआपा, मोंगला आणि त्शोपो यांचा समावेश आहे.

कांगो देश 2022 पासून मंकीपॉक्स सारख्या गंभीर आजाराचा सामना करत आहे. आफ्रिकेबाहेर, युरोपमधील स्वीडन आणि आशियातील पाकिस्तानमध्येही एमपीक्सची प्रकरणे नोंदवली गेली असल्याची माहिती समोर येत आहे. याचा अर्थ हा आजार भारताच्या वेशीवर आला आहे. त्यामुळे भारतीयांनी देखील सतर्क राहण्याची गरज आहे.

मंकीपॉक्सचा वाढता धोका पाहिल्यानंतर पंतप्रधान नरेंद्र मोदी याचे सरचिटणीस पीके मिश्रा यांच्या अध्यक्षतेखाली रविवार, 17 ऑगस्ट रोजी आढावा बैठक घेण्यात आली. बैठकीमध्ये या आजाराबाबत आवश्यक ती पावले उचलण्याच्या सूचना देण्यात आल्या आहेत. स्वतः मोदी याकडे लक्ष ठेवून आहेत.