Turkey Earthquake – तुर्की भूकंपाच्या धक्क्याने हादरले, 6.1 रिश्टर तीव्रतेचा भूकंप
तुर्कीच्या बालिकेसिर येथे सोमवारी पहाटे 6.1 तीव्रतेचे भूकंपाचे झटके जाणवले. भूकंपाच्या झटक्याने तीन इमारती ढासळल्या. सुदैवाने या भूकंपात जीवितहानी झालेली नसली तरी 22 लोकं जखमी झालेली आहेत.
भूकंपाचे केंद्रस्थान सिंदिरगी शहर होते. रात्री 10.48 वाजता भूकंपाची खोली 6 किलोमीटर होती. त्यानंतर अनेक झटके जाणवले. इस्तांबुल, बुरसा, मनीसा आणि इजामिरमध्येही भूकंपाचे धक्के जाणवले. सिंदिरगीमध्ये 3 रिकाम्या इमारती आणि एक दुमजली दुकान पडले. गृहमंत्री अली येरलिकाया यांनी ही माहिती दिली. भूकंपाने 22 लोकं जखमी झाली. बालिकेसिरचे राज्यपाल इस्माइल उस्ताओग्लूने सांगितले की, यात कोणतीही जीवितहानी झालेली नाही.
भूकंपाने तुर्कीतील नागरिक घाबरले असून त्यांना घरी परतायलाही भिती वाटत आहे. दरम्यान अनेक शहरांमध्ये पाऊस पडला. मस्जिदे, शाळा आणि खेळाची मैदाने मोकळी केली आहेत. सिंदरगीमध्ये ऑगस्टमध्ये 6.1 तीव्रतेचा भूकंप आला होता. त्यावेळी एकाचा मृत्यू झाला होता आणि अनेक लोकं जखमी झाली होती. त्यानंतर छोटे छोटे धक्के बसत होते.तुर्कीतील मोठा भाग हा भूकंपप्रवण क्षेत्रात येत असल्याने तेथे भूकंपाचे हादरे जाणवत असतात. 2023मध्ये 7.8 तीव्रतेचा भूकंप आला होता ज्यात 53 हजार लोकं मारली गेली होती. तेव्हापासून लोकांच्या मनात भूकंपाची भिती बसली आहे.
About The Author
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
Comment List