नवी मुंबईकरांना मिळणार प्रॉपर्टी कार्ड, पालिकेने राबवला देशातील पहिला उपक्रम

नवी मुंबईकरांना मिळणार प्रॉपर्टी कार्ड, पालिकेने राबवला देशातील पहिला उपक्रम

नवी मुंबईकरांना आपल्या मालमत्तेची अचूक माहिती मिळावी, मालमत्ता कर तत्काळ भरता यावा, यासाठी महापालिका प्रशासनाने मालमत्ता ओळखपत्र तयार केले असून त्याचे वितरण आज स्वातंत्र्यदिनी सुरू करण्यात आले. नागरिकांना प्रॉपर्टी कार्ड उपलब्ध करून देणारी नवी मुंबई महापालिका ही देशातील पहिली महापालिका ठरली आहे.

आधुनिक तंत्रज्ञानाचा वापर करून नागरिकांची महापालिकेशी संबंधित कामे सुलभतेने व्हावीत याकडे महापालिका आयुक्त डॉ. कैलास शिंदे यांनी बारकाईने लक्ष दिले आहे. यादृष्टीने नवी मुंबई महापालिका क्षेत्रातील मालमत्ताधारकांना त्यांच्या मालमत्तेबाबतची सविस्तर माहिती देणारे ‘मालमत्ता ओळखपत्र’ उपलब्ध करून देण्याच्या नावीन्यपूर्ण उपक्रमाचा प्रारंभ आज महापालिका आयुक्त डॉ. कैलास शिंदे यांच्या मार्गदर्शनाखाली सुरू करण्यात आला. याप्रसंगी अतिरिक्त आयुक्त डॉ. राहुल गेठे, सुनील पवार, शहर अभियंता शिरीष आरदवाड, सहाय्यक आयुक्त अलका महापूरकर आदी उपस्थित होते. या मालमत्ता ओळखपत्राचा लाभ शहरातील साडेतीन लाख मालमत्ताधारकांना होणार असून त्यांना आपल्या मालमत्तेबाबतची मालमत्ता क्रमांक, पत्ता, क्षेत्रफळ, कर तपशील अशी सर्व प्रकारची माहिती एकाच ठिकाणी या कार्डद्वारे उपलब्ध होणार आहे.

ओळखपत्र म्हणूनही वापर करता येणार
या कार्ड स्वरूपातील ओळखपत्राद्वारे मालमत्ताधारकांना आपल्या मालमत्ता कराची थकबाकी, आगाऊ भरलेली कर रक्कम सहजपणे पाहता येते तसेच हे ओळखपत्र घेऊन मालमत्ताधारक थेट नागरी सुविधा केंद्रावर जाऊन कर भरू शकतात. या मालमत्ता ओळखपत्रावरील क्यूआर कोड स्कॅन करून ऑनलाइन कर भरण्याची सुविधा उपलब्ध आहे. आधारकार्डप्रमाणे हे मालमत्तेचे अधिकृत ओळखपत्र म्हणूनही वापरता येईल, असेही महापालिका आयुक्त डॉ. कैलास शिंदे यांनी यावेळी स्पष्ट केले.

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

सेलिब्रिटी पितात ते ‘अल्कलाइन वाटर’ काय असतं? सामान्य पाण्यापेक्षा वेगळं असतं का? किंमत जाणून धक्काच बसेल सेलिब्रिटी पितात ते ‘अल्कलाइन वाटर’ काय असतं? सामान्य पाण्यापेक्षा वेगळं असतं का? किंमत जाणून धक्काच बसेल
आपण सर्वांनीच ब्लॅक वॉटर पाणी किंवा अल्कलाइन वाटर हे नाव ऐकले असेल. जवळजवळ प्रत्येक सेलिब्रिटींच्या हातात या पाण्याची बॉटल आपण...
21 दिवस गव्हाची चपाती न खाल्ल्यास शरीरात काय होतात बदल? जाणून हैराण व्हाल
रामदेव बाबांनी मधुमेहावर सांगितला रामबाण उपाय, साखर नियंत्रणात ठेवण्यासाठी हे फळ फायदेशीर
युक्रेनियन संसदेच्या माजी सभापतींची अज्ञातांकडून गोळ्या घालून हत्या; हा आमच्या स्वातंत्र्यावर हल्ला, झेलेन्स्की यांचं वक्तव्य
Ratnagiri News – मुंबई-गोवा महामार्गाचा खडतर प्रवास! राजकारण्यांना सद्बुद्धी दे… अभिनेते प्रभाकर मोरे यांचे गणपतीला गाऱ्हाणे
धावत्या रेल्वेतून उतरला अन् थेट ट्रेनखाली गेला, RPF जवान आणि विक्रेत्याच्या तत्परतेमुळे वाचला तरुणाचा जीव
सर्वात लोकप्रिय मुख्यमंत्र्यांच्या यादीत देवेंद्र फडणवीस यांचा शेवटून पहिला नंबर, MOTN सर्वेक्षणातून माहिती समोर