Duleep Trophy – औकिब नबीच्या हॅटट्रिकमुळे उत्तर विभाग भक्कम, उत्तर विभागाकडे 175 धावांची जबरदस्त आघाडी

Duleep Trophy – औकिब नबीच्या हॅटट्रिकमुळे उत्तर विभाग भक्कम, उत्तर विभागाकडे 175 धावांची जबरदस्त आघाडी

जम्मू-कश्मीरचा वेगवान गोलंदाज औकिब नबीच्या हॅटट्रिकने दुलीप करंडकाच्या उपांत्यपूर्व फेरीतील दुसरा दिवस गाजवला. नबीने केवळ हॅटट्रिकच घेतली नाही तर शेवटच्या पाच फलंदाजांना गारद करत पूर्व विभागाचा डाव 230 धावांतही गुंडाळला. त्यामुळे उत्तर विभागाला पहिल्या डावात 175 धावांची भक्कम आघाडी मिळाली.

उत्तर विभागाने पहिल्या डावात 405 धावा केल्या होत्या. त्यानंतर पूर्व विभागाच्या डावात विराट सिंगने (69) झुंजार खेळ केला. त्याने कर्णधार रियान पराग (39) सोबत चौथ्या विकेटसाठी 60 धावांची भागीदारी केली तर कुमार कुशाग्र (29) सोबत पाचव्या विकेटसाठी 74 धावा जोडल्या. त्यावेळी सामना रंगतदार होईल असे वाटत होते, पण 200 धावांवरून पूर्व विभागाचा डाव कोसळला आणि औकिब नबीच्या वेगवान गोलंदाजीसमोर त्यांच्या फलंदाजांनी शस्त्र टाकली.

नबीने आपल्या भेदक माऱयात चार फलंदाजांना सलग चार चेंडूंवर बाद केले. विराट सिंगचा मधला दांडा उखडला, त्यानंतर मनिषी बाद झाला, लगेचच मुख्तार हुसेनला त्रिफळाचीत केले. मग सूरज सिंधू जैस्वाल झेलबाद झाला. पुढच्या षटकात नबीने मोहम्मद शमीला पायचीत पकडत हॅटट्रिक पूर्ण केली. नबीने एकूण 5 विकेट फक्त 28 धावांत घेतले.

गोलंदाजीत चमक दाखवण्याआधी नबीने फलंदाजीतही दम दाखवला होता. नवव्या क्रमांकावर खेळताना त्याने फक्त 33 चेंडूंत 44 धावा ठोकल्या. त्याच्या खेळीमुळे उत्तर विभागाने पहिल्या डावात 308/6 वरून 405 अशी मजल मारली.

संक्षिप्त धावसंख्या – उत्तर विभाग – 405 (आयुष बदोनी 63, कन्हैया वाधवान 76, औकिब नबी 44, मनिषी 6/111)

पूर्व विभाग – 230 (विराट सिंग 69, रियान पराग 39, औकिब नबी 5/28).

 

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

Virar building collapse – विरार इमारत दुर्घटनेप्रकरणी 5 जणांना अटक, न्यायालयात हजर करणार Virar building collapse – विरार इमारत दुर्घटनेप्रकरणी 5 जणांना अटक, न्यायालयात हजर करणार
विरारमधील ‘रमाबाई अपार्टमेंट’ या चार मजली इमारतीचा भाग कोसळून १७ जणांचा मृत्यू झाला. या इमारत दुर्घटनेच्या तपासाला आता वेग आला...
नोकरी! एनएचपीसीमध्ये 248 पदांसाठी भरती
खाऊगल्ल्या, टपऱ्या, हॉटेल्स बंद ठेवण्याचे अलिखित आदेश; आंदोलक माणसं आहेत याचा सरकारला विसर पडलाय का? – रोहित पवार
जपानमध्ये फक्त दोन तास स्मार्टफोन वापरा
बीएसएनएलची भारत फायबर सर्व्हिस प्लॅनवर सूट
एआय नोकऱ्यांसाठी हुशार उमेदवार मिळेना, 10 पैकी केवळ एकच इंजिनीअर पात्र
टॅरिफमुळे हिंदुस्थानला 52 लाख कोटींचे नुकसान, छोट्या उद्योगांना मोठा झटका; लाखो नोकऱ्यांवर गंडांतर