कोकणातील प्रसिद्ध Red Soil Stories चे युट्युबर शिरीष गवस यांचं निधन

रेड सोईल स्टोरीज फेम शिरीष गवस , (वय 32 वर्षे) यांचे गोवा बांबोळी येथील रुग्णालयात उपचारादरम्यान निधन झाले. त्यांना ब्रेन ट्यूमर हा आजार होता व त्यांच्यावर गेले पंधरा दिवस तेथे उपचार सुरू होते.

मुंबई येथील नोकरी व्यवसाय सोडून सिंधुदुर्गमध्ये शिरीष आणि पूजा गवस स्थायिक झाले होते. कोकण खाद्य संस्कृती, सण, रूढी-परंपरा या गोष्टी रेड सॉईल स्टोरीजच्या माध्यमातून जगापुढे आणत होते. त्यांना यासाठी कोकण सन्मान सह अनेक पुरस्कार प्राप्त झाले होते. सेवानिवृत्त निवासी नायब तहसीलदार सत्यवान गवस यांचे ते पुत्र होत. त्यांच्या पश्चात आई, बाबा, पत्नी, बहीण आणि एक वर्षाची मुलगी आहे. रेड सॉईल स्टोरीजच्या माध्यमातून सुरू असलेला शिरीष आणि पूजाचा सुखी संसाराचा डाव अर्ध्यावर मोडला, अशी भावना शोकाकुलपणे सर्वत्र व्यक्त होत आहे. जुलै महिन्यातच शिरीष यांच्या मुलीचा पहिला वाढदिवस साजरा झाला होता.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.