Thane News – बदलापूरमध्ये भरधाव ट्रकची 3 ते 4 वाहनांना धडक, दोघांचा मृत्यू; घटना सीसीटीव्हीत कैद

भरधाव ट्रकने 3 ते 4 वाहनांना धडक दिल्याची घटना बदलापूरमध्ये शनिवारी सकाळी घडली. या अपघातात एका महिलेसह दोघांचा मृत्यू झाला तर 3 ते 4 जण जखमी झाले आहेत. अपघाताची घटना सीसीटीव्हीत कैद झाली आहे. बदलापूरच्या वालीवली गावाजवळ ही घटना घडली. याप्रकरणी बदलापूर पश्चिम पोलिसांनी गुन्हा दाखल करण्यात आला आहे. पोलीस पुढील तपास करत आहेत.

मिळालेल्या माहितीनुसार, सकाळच्या सुमरास लाद्या वाहून घेणारा ट्रक वालिवली गावाकडून एरंजाडच्या दिशेने भरधाव वेगात चालला होता. यावेळी ट्रक चालकाचे वाहनावरील नियंत्रण सुटले आणि ट्रकने कार, रिक्षासह अन्य तीन ते चार वाहनांना धडक दिली. यात कार आणि रिक्षाचा चक्काचूर झाला असून एका महिलेसह रिक्षाचालकाचा मृत्यू झाला. वाहनांना धडक दिल्यानंतर ट्रक झाडावर आदळला.

अपघातात चार जण गंभीर जखमी झाले असून स्थानिकांनी त्यांना रुग्णालयात दाखल केले. अपघातानंतर ट्रक चालकाने घटनास्थळाहून पलायन केले. पोलीस फरार ट्रक चालकाचा शोध घेत आहेत.

Tags:

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.