आमचे संबंध कोणत्याही तिसऱ्या देशाच्या विचारांवर नाही तर, गुणवत्तेवर आधारित; परराष्ट्र मंत्रालयाचे ट्रम्प यांना उत्तर

आमचे संबंध कोणत्याही तिसऱ्या देशाच्या विचारांवर नाही तर, गुणवत्तेवर आधारित; परराष्ट्र मंत्रालयाचे ट्रम्प यांना उत्तर

हिंदुस्थान-रशिया संबंध आणि अमेरिकेच्या अलिकडच्या टिप्पण्यांबद्दल परराष्ट्र मंत्रालयाने गुरुवारी प्रतिक्रिया दिली आहे. परराष्ट्र मंत्रालयाचे प्रवक्ते रणधीर जयस्वाल यांनी पत्रकार परिषदेत अनेक महत्त्वाच्या मुद्द्यांवर हिंदुस्थानची भूमिका स्पष्ट केली. ज्यात हिंदुस्थानी कंपन्यांवर अमेरिकेने लादलेले निर्बंध, रशियाकडून तेल खरेदी, हिंदुस्थान-अमेरिका संबंध इत्यादींचा समावेश आहे.

एक दिवस हिंदुस्थान पाकिस्तानकडून तेल खरेदी करू शकतो, या अमेरिकेचे अध्यक्ष डोनाल्ड ट्रम्प यांच्या विधानावर परराष्ट्र मंत्रालयाने कोणतीही थेट टिप्पणी केलेली नाही. मात्र रणधीर जयस्वाल म्हणाले की, “हिंदुस्थान कोणत्याही देशाशी त्याच्या गुणवत्तेच्या आधारावर संबंध निर्माण करतो. आमचे संबंध कोणत्याही तिसऱ्या देशाच्या विचारांवर अवलंबून नाहीत.” ते पुढे म्हणाले की, हिंदुस्थान आणि रशियाची दीर्घकाळापासून स्थिर आणि विश्वासार्ह भागीदारी आहे, जी काळाच्या कसोटीवर खरी उतरली आहे. इराणसोबत व्यवसाय केल्याबद्दल अमेरिकेने काही हिंदुस्थानी कंपन्यांवर निर्बंध लादले आहेत. यावर परराष्ट्र मंत्रालयाच्या प्रवक्त्याने सांगितले की, “आम्ही या निर्बंधांची नोंद घेतली आहे आणि त्याकडे लक्ष देत आहोत.”

हिंदुस्थान आणि अमेरिकेच्या संबंधांवर बोलताना रणधीर जयस्वाल म्हणाले की, “हिंदुस्थान आणि अमेरिकेची मजबूत धोरणात्मक भागीदारी आहे. ही भागीदारी सामायिक हितसंबंधांवर, लोकशाही मूल्यांवर आणि लोकांमधील खोल संबंधांवर आधारित आहे.” ते म्हणाले, “काळानुसार हे नाते अधिक मजबूत झाले आहे आणि आम्हाला विश्वास आहे की ते पुढेही प्रगती करत राहील.”

काही माध्यमांच्या वृत्तानुसार, हिंदुस्थानी कंपन्यांनी रशियाकडून तेल खरेदी करणे बंद केले आहे, असा प्रश्न पत्रकारांनी त्यांना विचारला. यावर उत्तर देताना रणधीर जायसवाल म्हणाले की, “आम्ही आमच्या ऊर्जेच्या गरजा लक्षात घेऊन निर्णय घेतो. बाजारातील परिस्थिती आणि पर्याय पाहून निर्णय घेतला जातो. या संदर्भात कोणतीही विशिष्ट माहिती नाही.”

Tags:

About The Author

Manisha Thorat- Pisal Picture

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे. 

Post Comment

Comment List

Advertisement

Latest News

Sara Tendulkar ने शेअर केले ते फिटनेस सीक्रेट; सुंदर त्वचेसाठी पिते हे खास ज्यूस Sara Tendulkar ने शेअर केले ते फिटनेस सीक्रेट; सुंदर त्वचेसाठी पिते हे खास ज्यूस
Celebrity Fitness : क्रिकेटचा देव सचिन तेंडुलकरची लाडकी लेक सारा तेंडुलकर (Sara Tendulkar)असोशल मीडियावर खूप अ‍ॅक्टिव्ह असते. तिचे सौंदर्य, फॅशन...
असं झालं तर… गाडी चोरीला गेली तर
उल्हासनगरात धोकादायक शिव जगदंबा इमारत कोसळली
बर्फ महागल्याने हजारो मच्छीमार गारठले, मासेमारीला समुद्रात उतरण्याआधीच महागाईचे चटके; पहिल्याच हंगामात 80 रुपयांची दरवाढ केल्याने संताप
ताईंच्या रुग्णालयाच्या जागेवर दादांचे कांदळवन, नवी मुंबईत गणेश नाईक विरूद्ध मंदा म्हात्रे वाद पुन्हा पेटणार; सुपर स्पेशलिटी हॉस्पिटलची सोमवारी स्थळ पाहणी
न्यूयॉर्क, न्यू जर्सी शहरांना पावसाचा तडाखा; पुरामुळे जनजीवन विस्कळीत, मेट्रो स्टेशन पाण्याखाली
खांद्यावर हात टाकला, नजरेला नजर भिडवली; टप्प्यात येताच आकाशदीपनं डकेटचा करेक्ट कार्यक्रम केला, धमाल व्हिडीओ व्हायरल