मोठी बातमी! उल्हासनगरचं शासकीय रुग्णालय 3 तासांपासून अंधारात, ऑपरेशन्स रखडले

मोठी बातमी समोर येत आहे. उल्हासनगरचं शासकीय मध्यवर्ती रुग्णालय मागील तीन तासांपासून अंधारात आहे. रुग्णालयात लाईट नसल्यामुळे रुग्ण त्रस्त झाले आहेत. जनरेटर बॅकअप सुद्धा मिळू शकत नसल्यामुळे ऑपरेशन्स आणि प्रसूती देखील ठप्प झाल्या आहेत. सुदैवानं आयसीयूमध्ये बॅकअप असल्यामुळे आयसीयूमधील मशिनरी सुरू आहेत. मात्र रुग्णालयात होणारे ऑपरेशन्स आणि प्रसुती लाईट नसल्यामुळे रखडल्या आहेत.

शुक्रवारी उल्हासनगरमध्ये महावितरण कडून शटडाऊन घेतला जातो. या शटडाऊनच्या काळात रुग्णालयात जनरेटरच्या माध्यमातून वीजपुरवठा सुरू राहतो. मात्र आज शटडाऊनच्या काळात सार्वजनिक बांधकाम विभागाकडून रुग्णालयातील इलेक्ट्रिक पॅनल बदलण्याचं काम हाती घेण्यात आलं असून, त्यामुळे जनरेटर देखील बंद ठेवण्यात आले आहेत. परिणामी संपूर्ण हॉस्पिटलचा वीज पुरवठा मागील तीन तासांपासून खंडित झाला आहे.

विशेष म्हणजे  पुढील तीन ते चार तास वीज पुरवठा सुरू होणार नसल्याची माहिती सार्वजनिक बांधकाम विभागाच्या कर्मचाऱ्यांनी दिली आहे. त्यामुळे संपूर्ण रुग्णालयात अंधार पसरला असून वार्डातले लाईट पंखे बंद असल्यामुळे रुग्ण त्रस्त झाले आहेत. सुदैवानं आयसीयूमध्ये बॅकअप असल्यामुळे आयसीयूमधील मशिनरी सुरू आहेत. मात्र रुग्णालयात होणारे ऑपरेशन्स आणि प्रसुती लाईट नसल्यामुळे रखडल्या आहेत. एखादं इमर्जन्सी ऑपरेशन करायचं असेल, तर आम्ही रुग्णांना उल्हासनगरमधीलच दुसऱ्या शासकीय रुग्णालयात घेऊन जातो आणि तिथे ऑपरेशन करतो, अशी माहिती रुग्णालयाचे मुख्य वैद्यकीय अधिकारी डॉ. मनोहर बनसोडे यांनी दिली आहे.

वीजपुरवठा खंडित झाल्यामुळे रुग्णांचे हाल

दरम्यान महावितरणकडून दर शुक्रवारी घेण्यात येत असलेल्या शटडाऊनमुळे रुग्णालयाचा वीजपुरवठा खंडित झाला आहे. जेव्हा वीज पुरुवठा खंडित होतो तेव्हा रुग्णालयाकडून पर्यायी व्यवस्था करण्यात येते. मात्र  आज शटडाऊनच्या काळात सार्वजनिक बांधकाम विभागाकडून रुग्णालयातील इलेक्ट्रिक पॅनल बदलण्याचं काम हाती घेण्यात आलं आहे, त्यामुळे पर्यायी व्यवस्था देखील उपलब्ध नाहीये, आणखी तीन ते चार तास वीज पुरवठा सुरू होणार नसल्याची माहिती समोर आली आहे, वीजपुरवठा खंडित झाल्यामुळे रुग्णांचे हाल सुरू असून, ऑपरेशन्स रखडल्याचं समोर आलं आहे.