Mumbai AQI Today : असं काय घडलं? मुंबई पाकिस्तानपेक्षा मागे का?

गेल्या काही दिवसांपासून मुंबईसह उपनगर आणि आजूबाजूच्या परिसरातील हवेची गुणवत्ता खालवली आहे. मुंबईची हवा अत्यंत चिंताजनक झाली आहे. त्यामुळे सध्या मुंबईत ठिकठिकाणी अंशत: ढगाळ वातावरण पाहायला मिळत आहे. यामुळे आता मुंबईतल्या हवेच्या गुणवत्तेबाबत चिंता व्यक्त केली जात आहे.

भारतीय हवामान विभागाने दिलेल्या माहितीनुसार, मुंबईचा हवेचा गुणवत्ता निर्देशांक (AQI) आज 139 इतका नोंदवण्यात आला आहे. हा निर्देशांक ‘मध्यम’ श्रेणीत येतो. मुंबई शहर आणि उपनगरांमध्ये अंशतः ढगाळ वातावरण पाहायला मिळत आहे. सध्या मुंबई शहरातील तापमान कमाल 31 अंश सेल्सिअस आणि किमान 20 अंश सेल्सिअसच्या आसपास नोंदवण्यात आले आहे.

Worrying scenes across MUMBAI! Zero Visibility at 5 PM

Take care, everyone pic.twitter.com/VwTmrGasJ0

— Mumbai Rains (@rushikesh_agre_) December 26, 2024

तुमच्या शहरातील स्थिती काय?

मुंबईतील विलेपार्ले, कुलाबा, मालाड, कुर्ला, भांडुप, देवनार, बोरिवली, वांद्रे पूर्व या ठिकाणच्या हवेची गुणवत्ता धोकादायक स्थितीत आहे. या ठिकाणच्या हवेचा निर्देशांक 200 ते 300 या दरम्यान आहे. तसेच छत्रपती शिवाजी महाराज विमानतळ, जुहू, महापे, नेरुळ या ठिकाणी हवेची गुणवत्ता अत्यंत धोकादायक स्थितीत आहे. मुंबईत सातत्याने होणारे वातावरणातील बदल आणि बांधकामे यामुळे मुंबईतील हवेवर सातत्याने परिणाम होत आहे. सध्या मुंबईकरांना सध्या प्रदूषणाचा त्रास होत असल्याचे निदर्शनास आले आहे. त्यामुळे मुंबईकर चिंतेत आहेत.

पाकिस्तानपेक्षा मुंबईतील हवा खालवली

हवेचा गुणवत्ता निर्देशांक दर्शवणाऱ्या https://www.aqi.in/ या वेबसाईटने दिलेल्या माहितीनुसार, सध्या मुंबईतील हवा 212 AQI इतकी नोंदवण्यात आली आहे. यामुळे जगातील 100 सर्वाधिक प्रदूषित शहरांमध्ये मुंबईची नोंद करण्यात आली आहे. या यादीत मुंबईचा क्रमांक 69 वर आला आहे. विशेष बाब म्हणजे जगातील सर्वाधिक प्रदूषित शहरांच्या यादीत पाकिस्तानचा क्रमांक हा 72 इतका आहे. याचाच अर्थ मुंबईपेक्षा पाकिस्तानातील हवा शुद्ध असल्याचे पाहायला मिळत आहे.