Maharashtra Portfolio Allocation : महाराष्ट्रातील मंत्रिमंडळाचा विस्तार हिवाळी अधिवेशनाच्या एका दिवसापूर्वी झाला. त्यानंतर मंत्रिमंडळाची खातेवाटप हिवाळी अधिवेशन संपल्यानंतर झाले. महायुतीमधील तिन्ही पक्षांत असलेल्या मतभेदांमुळे खाते वाटप रखडल्याचे सांगितले जात आहे. यामुळे आता खाते वाटपात अजित दादांची दादागिरी चालली की एकनाथ शिंदे यांनी वर्चस्व निर्माण केले? हा प्रश्न चर्चेत आला आहे. एकंदरीत खाते वाटपात तिन्ही पक्षांचे समाधान होईल, अशी खाती दिली गेल्याचे दिसत आहे. सर्वाधिक महत्वाचा गृहविभाग भाजपने आपल्याकडे ठेवला आहे. परंतु गृहविभागासारखे महत्वाचे असणारे गृहनिर्माण विभाग एकनाथ शिंदे यांना दिले आहे. अजित पवार यांनी त्यांच्या आवडीचे अर्थखाते दिले गेले आहे.
फडणवीस यांनी दिले होते संकेत
हिवाळी अधिवेशन संपल्यानंतर मुख्यमंत्री देवेंद्र फडणवीस यांना खाते वाटप करण्यासंदर्भात प्रश्न विचारण्यात आला होता. त्यावेळी त्यांनी थोड्याच वेळात किंवा उद्या सकाळी खातेवाटप जाहीर होणार असल्याचे सांगितले. अखेर रात्री ९ वाजेच्या सुमारास खाते वाटप जाहीर करण्यात येणार आहे.
असे आहे खाते वाटप
देवेंद्र फडणवीस – गृह
अजित पवार – अर्थ
एकनाथ शिंदे – नगर विकास, गृह निर्माण
चंद्रशेखर बावनकुळे – महसूल
हसन मुश्रीफ – वैद्यकिय शिक्षण
चंद्रकांत पाटील – उच्च व तंत्रशिक्षण, संसदीय कामकाजमंत्री
गणेश नाईक – वन मंत्री
राधाकृष्ण विखे पाटील – जलसंपदा
पंकजा मुंडे – पर्यावरण व वातावरण बदल, पशुसंवर्धन
उदय सामंत – उद्योग व मराठी भाषा
गुलाबराव पाटील – पाणी पुरवठा
दादा भुसे – शालेय शिक्षण
गिरीश महाजन – जलसंधारण (विदर्भ, तापी, कोकण विकास), आपत्ती व्यवस्थापन
संजय राठोड – मृद व जलसंधारण
धनंजय मुंडे – अन्न व नागरी पुरवठा आणि ग्राहक संरक्षण
मंगल प्रभात लोढा – कौशल्य विकास, रोजगार, उद्योग व संशोधन
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List