एकनाथ शिंदेंना मुख्यमंत्री करण्यासाठी शिवसैनिकांची फिल्डिंग

महाराष्ट्र विधानसभा निवडणुकीचा निकाल लागला आहे. महायुतीने 230 जागा जिंकल्या. 132 जागा जिंकत भाजप सर्वात मोठा पक्ष ठरला. आता नव्या सरकारच्या शपथविधीकडे सर्वांचं लक्ष आहे. शपथविधी कधी होणार? राज्याचे नवीन मुख्यमंत्री कोण होणार? याकडे सर्वांचं लक्ष लागलेलं आहे. भाजपकडून देवेंद्र फडणवीस यांचं नाव चर्चेत असल्याचं बोललं जात आहे. तसंच मुख्यमंत्रिपद आपल्याकडेच ठेवण्यासाठी भाजपचा आग्रह असल्याचं बोललं जात आहे. अशात एकनाथ शिंदे देखील मुख्यमंत्रिपद आपल्याकडे राहावं, यासाठी आग्रही आहेत. त्याचमुळे नव्या सरकारच्या शपथविधीला उशीर होत असल्याचं बोललं जात आहे.

एकनाथ शिंदे पुन्हा मुख्यमंत्री व्हावेत, यासाठी शिवसैनिक आग्रही आहेत. आदिशक्ती मुक्ताईकडे वारकरी संप्रदायाने साकडं घातलं आहे. आरती आणि अभिषेक करण्यात आला. मुख्यमंत्र्यांनी वारकरी संप्रदायासाठी अनेक निर्णय हितार्थ घेतले, असं शिवसैनिकांचं म्हणणं आहे. तसंच चार वेळा आदिशक्ती मुक्ताईच्या दर्शन मुख्यमंत्री एकनाथ शिंदेंनी मुक्ताईनगरला येऊन घेतलं. यासाठी आज वारकरी संप्रदाय प्रमुख संप्रदाय मंडळांनी मुक्ताईनगर मध्ये एकत्रित आदिशक्ती मुक्ताई चरणी मुख्यमंत्री एकनाथ शिंदे पुन्हा मुख्यमंत्री व्हावा यासाठी महाआरती करत अभिषेक करण्यात आला.

बातमी अपडेट होत आहे.