काही दिवसांपूर्वी मुंबईमध्ये एक गोळीबाराची घटना घडली होती.आरोपींनी राष्ट्रवादीचे नेते आणि माजी मंत्री बाबा सिद्दिकी यांच्यावर गोळीबार केला. या घटनेत जखमी झालेल्या बाबा सिद्दिकी यांचा मृत्यू झाला. या घटनेनं राज्यभरात खळबळ उडाली. बाबा सिद्दिकी हे आपला मुलगा झिशान सिद्दिकी यांना भेटण्यासाठी त्यांच्या कार्यालयात आले होते.त्याचवेळी आरोपींनी त्यांच्यावर गोळीबार केला. दसऱ्याच्या दिवशी फटाके फुटत असताना झालेल्या गोंधळात आरोपींनी त्यांच्यावर गोळीबा केला. दरम्यान यावेळी आणखी एका व्यक्तीला गोळी लागली होती. त्याला उपचारासाठी रुग्णालयात दाखल करण्यात आलं. आतापर्यंत या प्रकरणात पोलिसांनी एकूण दहा आरोपींना अटक केली आहे. रोज नवे खुलासे समोर येत आहेत.आता या प्रकरणात सर्वात मोठी माहिती समोर आली आहे.
बाबा सिद्दिकी यांच्यावर गोळीबार करण्यात आला, या गोळीबारात तीन आरोपींचा समावेश होता. त्यातील दोघांना पोलिसांनी तात्काळ पकडलं मात्र एक जण गर्दीचा फायदा घेऊन फरार झाला होता. आतापर्यंत या गोळीबार प्रकरणात दहा आरोपींना अटक करण्यात आली आहे. आरोपींच्या चौकशीमधून दररोज नवे खुलासे समोर येत आहे. या प्रकरणात आता महत्त्वाची माहिती समोर आली आहे. ती म्हणजे पोलिसांनी दिलेल्या माहितीनुसार बाबा सिद्दिकी यांच्यावर फायरिंग करण्यापूर्वी आरोपींनी झाडांवर गोळीबार करून प्रॅक्टिस केली होती.आरोपींनी कर्जत-खोपोली रोडवर असलेल्या धबधब्याजवळील पलसदरी गावातील जंगलात प्रॅक्टिस केली होती, आणि त्यानंतर त्यांनी गोळीबार केला.
लॉरेन्स बिश्नोई कनेक्शन
दरम्यान या हत्येचं लॉरेन्स बिश्नोई कनेक्शन देखील समोर आलं आहे. बाबा सिद्दिकी यांच्या मृत्यूनंतर लॉरेन्स बिश्नोई गँगनं सोशल मीडियावर पोस्ट करत या हत्येची जबाबदारी घेतली होती. मात्र पोलिसांकडून इतर अँगलनं देखील या हत्येचा तपास सुरू आहे. या प्रकरणाता आता आणखी काही धक्कादायक माहिती समोर येण्याची शक्यता आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List