मानखुर्द शिवाजी नगर विधानसभा: 209 कोटींची संपत्ती असलेल्या सपाच्या अबू आझमींचे वर्चस्व महायुती मोडणार?

mankhurd shivaji nagar assembly constituency: मुंबईतील काही मतदार संघावर समाजवादी पक्षाचे वर्चस्व आहे. त्यामध्ये मानखुर्द शिवाजी नगर मतदारसंघाचा समावेश आहे. या मतदार संघातून सातत्याने समाजवादी पक्षाचे आमदार अबू आझमी निवडून आले आहे. 209 कोटींची संपत्ती असलेल्या अबू आझमी यांचा पराभव करण्यासाठी महायुतीकडून कंबर कसली गेली आहे. मुस्लिम बाहुल असलेल्या या मतदार संघात अबू आझमी विरोधात महायुतीकडे उमेदवार कोण असणार? यावरच अबू आझमी यांचे भवितव्य ठरणार आहे.

असा आहे मतदार संघ

मानखुर्द शिवाजीनगर हा मुंबई उपनगर जिल्ह्यातील 26 मतदार संघापैकी एक महत्वाचा मतदार संघ आहे. हा मतदार संघ विक्रोळी, घाटकोपर पश्चिम, घाटकोपर पूर्व, मुलुंड आणि भांडुप पश्चिम या पाच विधानसभा क्षेत्रांसह मुंबई ईशान्य लोकसभा मतदारसंघातील भाग आहे. 2011 मधील जनगणनेनुसार या मतदार संघात अनुसूचित जातीच्या मतदारांची संख्या 32 हजार 128आहे. अनुसूचित जनजाती मतदारांची संख्या आहे. या मतदार संघात सर्वाधिक मतदार मुस्लिम आहे. त्यांची संख्या 1 लाख 57 हजार 518 आहे. यामुळेच समाजवादी पक्षाचे आमदार अबू असीम आझमी यांचे वर्चस्व या ठिकाणी राहिले आहे. के सलग तीन वेळा या ठिकाणावरुन आमदार झाले आहेत.

सपाची परिस्थिती मजबूत होणार

मानखुर्द शिवाजीनगर विधानसभेचे विद्यमान आमदार अबू आझमी यांच्याकडे 209 कोटी रुपयांची संपत्ती आहे. महाराष्ट्रात समाजवादी पक्ष पुढे नेण्याची जबाबदारी त्यांच्यावर आहे. यंदा महाविकास आघाडीसोबत समाजवादी पक्ष आघाडी करण्याच्या तयारीत आहे. सपाने राज्यातील 25 जागांची मागणी केली आहे. सपा महाविकास आघाडीसोबत आल्यास त्यांची परिस्थिती अधिक चांगली होणार आहे. तसेच अबू आझमी यांनी मिळणारी मतेही वाढत आहेत.

मागील पंचवार्षिकचा म्हणजेच 2019 च्या निकाल पाहिल्यावर समाजवादी पक्ष पक्षाचे वर्चस्व राहिले. अबू असिम आझमी 69 हजार 082 मते घेऊन विजयी झाले होते. त्यांनी शिवसेना (शिवसेना-भाजप युती होती)चे विठ्ठल गोविंद लोकरे यांचा पराभव केला होता. लोकरे यांना 25,601 मते मिळाली होती.

उमेदवार	पक्ष	मते	टक्केवारी
अबू आझमी	सपा	69082	48.2
विट्ठल गोविंद लोकारे	एसएचएस	43481	30.3
सुरैया अकबर शेख	वीबीए	10465	7.3
मोहम्मद सिराज मोहम्मद इकबाल शेख	अपक्ष	9789	6.81
खोत रवीन्द्र कृष्ण	अपक्ष	3288	2.3

समाजवादी पक्षाचे वर्चस्व मोडण्यासाठी महायुतीला राज ठाकरे यांच्या मनसेची सोबत लागणार आहे. मुस्लिम मतदारांसह इतर मतदारांवर महायुतीला वर्चस्व करावे लागणार आहे. आता महायुतीचा फार्मूला कितीपत यशस्वी होणार हे 23 नोव्हेंबर 2024 रोजीच स्पष्ट होणार आहे.

Tags: महाराष्ट्र राजकारण मुंबई महानगर

About The Author

Manisha Thorat- Pisal

सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.