मुख्यमंत्री रमले शाळेच्या आठवणीत; म्हणाले, शाळेत जाऊन सफाई…

मुख्यमंत्री एकनाथ शिंदे यांनी त्यांच्या जुन्या आठवणींना उजाळा दिला. सर्व बोलतात मुख्यमंत्री म्हणजे चिफ- प्रमुख असतो. मात्र मी म्हणतो की, मुख्यमंत्री म्हणजे सर्वसाधारण आणि सर्वांना भेटणारा… जुन्या शाळा महानगरपालिका 23 किसान नगर शाळा ही माझी शाळा होती. आम्ही आधी जाऊन साफसफाई करायचो. आमचे शिक्षक आता नाहीत. नाही तर त्यांना मला मुख्यमंत्री झालेलं पाहून त्यांना आनंद झाला असता. शाळा दत्तक घेण्यासाठी लोक येत आहेत, असं एकनाथ शिंदे म्हणाले. आम्ही कोणाला फसवलं नाही खोटं बोललं नाही. कारण आम्हाला फेसबुक लाईव्ह करायचं नाही. लोकांना फेस करायचं आहे, असा टोलाही एकनाथ शिंदे यांनी उद्धव ठाकरे यांना लगावला आहे.

सरकार योजनांवर मुख्यमंत्री म्हणाले…

सध्याचं युग हे स्पर्धेचं युग आहे. त्यात आपल्याला टिकायचं आहे. विध्यार्थ्यांनी वेगवेगळ्या गोष्टी शिकल्या पाहिजेत. आमच्यात स्पर्धा नाही. मात्र दोन वर्षा पूर्वी आम्ही बदल घडवला. स्पीड ब्रेकर आम्ही हटवले. लाडकी बहीण, भाऊ, शिक्षक योजना चालल्या पाहिजेत. ही तिजोरी जनतेची आणि शिक्षण सर्वांची आहे. जे देण्या सारखं ते दिलं पाहिजे. आपल्या लाडकी बहीण योजना सुपरहिट झाली. त्या खाली सर्व योजना दबल्या आहेत. पण शेतकऱ्यांचं वीजबिल माफ करणारं आणि शिक्षक मानधन जास्त देणार हे पहिलं सरकार आहे. देणारं सरकार आहे, मात्र तिजोरीकडे पाहायला लागतं, असं शिंदे म्हणालेत.

कोणाच्या डोक्यावर जास्त वजन ठेऊ नका. थोडा वेळा दया. महाविकास आघाडी सरकार वेळी आपण कितव्या नंबरवर होतो, आता आपण पहिल्या नंबरवर आहोत. आम्ही घेतले निर्णय याची तुलना करा अडीच वर्षी आणि सहा महिन्याचं होऊ दे दूधच दूध पाण्याचं पाणी… याचा चार चाकी सरकार आहे मात्र पैसे सुटत नव्हते. पण आम्ही लोकांसाठी निर्णय घेतले, असं शिंदे म्हणाले.

महाविकास आघाडीला आव्हान

खरं म्हणजे वस्तूची त्यांनी विरोधकांनी ओळखलेली आहे. महायुतीने केलेलं काम यामुळे महायुतीचे सरकार येणार आहे. मुख्यमंत्री त्यांचा होणार नाही. त्यामुळे त्यांचा चेहरा ते सांगू शकत नाही. त्यांची स्पर्धा मुख्यमंत्रिपदासाठी नाही. विरोधी पक्षनेता पदासाठी आहे. माझ्या त्यांना शुभेच्छा आहेत. विरोधी पक्ष नेत्याचा चेहरा त्यांनी जाहीर करावा, असं आव्हानही एकनाथ शिंदेंनी दिलंय.