कृपाशंकर सिंह यांना भाजपामध्ये मोठी जबाबदारी मिळणार का?

आगामी विधानसभा निवडणुकीच्या पार्श्वभूमीवर कृपाशंकर सिंह यांना भाजपामध्ये मोठी जबाबदारी मिळू शकते. काँग्रेसमधून राजकारणाची सुरुवात करणाऱ्या कृपाशंकर सिंह यांनी तीन वर्षांपूर्वी भाजपात प्रवेश केला. कृपाशंकर सिंह हे भाजपाचा मुंबईतील उत्तर भारतीय चेहरा आहेत. उपमुख्यमंत्री आणि भाजपा नेते देवेंद्र फडणवीस यांनी कृपाशंकर सिंह यांच्या घरी गणपतीचे दर्शन घेतले. गणपती दर्शनानंतर दोन्ही नेत्यांमध्ये विधानसभा निवडणुकीवर चर्चा झाली. गुरुवारी रात्री 9.30 वाजता उपमुख्यमंत्री देवेंद्र फडणवीस कृपाशंकर सिंह यांच्या वांद्रे येथील निवासस्थानी गणपती दर्शनासाठी गेले होते.

गणपती दर्शनानंतर दोन्ही नेत्यांमध्ये विधानसभा निवडणुकीवर चर्चा झाली असल्याचे वृत्त आहे. यावेळी विधानसभा निवडणुकीत कृपाशंकर सिंह यांना मोठी जबाबदारी मिळू शकते. काही महिन्यांपूर्वी झालेल्या लोकसभा निवडणुकीत भाजपाने कृपाशंकर सिंह यांना उत्तर प्रदेश जौनपुरमधून उमेदवारी दिली होती. जौनपूर हा कृपाशंकर सिंह यांचा गृहजिल्हा आहे. मात्र त्यांचा या निवडणुकीत पराभव झाला. समाजवादी पार्टीच्या बाबू कुशवाहा यांनी कृपाशंकर सिंह यांचा पराभव केला. कृपाशंकर सिंह यांच्यावर बेहिशोबी मालमत्ता जमवल्याचा आरोप झाला होता.

काँग्रेसमध्ये असताना का राजीनामा दिला?

2019 मध्ये जम्मू-काश्मीरमधून आर्टिकल 370 व 35A हटवल्यानंतर काँग्रेसने घेतलेल्या भूमिकेवर कृपाशंकर सिंह यांनी प्रश्न उपस्थित केले होते. काँग्रेसच्या या भूमिकेच्या निषेधार्थ त्यांनी काँग्रेसच्या नेत्या सोनिया गांधी यांच्याकडे राजीनामा सोपवला होता. काँग्रेसच्या सत्ताकाळात 2004 साली विलासराव देशमुख यांच्या सरकारमध्ये कृपाशंकर सिंह हे राज्यमंत्री होते. मुंबई काँग्रेसचं अध्यक्षपद, आमदार, राज्यमंत्री, काँग्रेसमध्ये असताना महत्त्वाची पद कृपाशंकर सिंह यांनी भूषवली आहेत.