भाजपमध्ये पक्षप्रवेश ऑलरेडीच झाल्याचा दावा आणि त्याचवेळी एकनाथ खडसेंनी भाजपला इशाराही दिलाय. दिल्लीत भाजपचे राष्ट्रीय अध्यक्ष जे पी नड्डा, विनोद तावडेंच्या उपस्थितीत भाजपमध्ये प्रवेश झालेलाच आहे. त्याचे फोटोही नड्डांनी काढलेत. मात्र महाराष्ट्रातील काही नेत्यांचा विरोध झाला, त्यामुळं अधिकृत घोषणा झालेली नाही, अशा स्थितीत भाजपमध्ये राहणं योग्य नाही असं खडसे म्हणालेत.
भाजपला सोडचिठ्ठी दिल्यानंतर 23 ऑक्टोबर 2020मध्ये खडसेंनी शरद पवारांच्या उपस्थितीत प्रवेश केला. अजित पवारांच्या बंडानंतर, खडसे शरद पवारांसोबत राहिलेत. शरद पवारांनी खडसेंना विधान परिषदेवर आमदारही केलं. आपण, पवारांकडे राजीनामाही पाठवला पण त्यांनी स्वीकारला नाही. त्यामुळं आणखी काही दिवस वाट पाहणार, नाही तर शरद पवारांच्या राष्ट्रवादीतच काम करणार हेही खडसेंनी स्पष्ट केलं. तर खडसेंचा निर्णय लवकरच होईल आणि ते भाजपसोबतच राहतील असं सूचकपणे भाजपचे प्रदेशाध्यक्ष बावनकुळे म्हणालेत.
पाहा व्हिडीओ:-
नुकत्याच झालेल्या लोकसभा निवडणुकीत भाजपनं खडसेंच्या सून रक्षा खडसेंनाच पुन्हा तिकीट दिलं. एकनाथ खडसेंनीही आपला पाठींबा रक्षा खडसेंनाच जाहीर केला. रावेरमध्ये शरद पवारांच्या राष्ट्रवादीचे श्रीराम पाटील उमेदवार असतानाही खडसेंनी भाजपचंच काम केलं. भाजपकडून अद्याप खडसेंना ग्रीन सिग्नल मिळालेला नाही. भाजपकडून निरोप आला नाही तर, शरद पवारांच्याच राष्ट्रवादीसोबत काम करेन हेही खडसेंनी सांगितलंय. त्यामुळं 2-3 दिवसांत खडसे फूल अँड फायनल करणार असल्याचं कळंतय.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List