मुंबई शहर आणि उपनगरात रात्रीपासून जोरदार पाऊस कोसळतो. पहाटेच्या सुमारास पावसाचा जोर पुन्हा वाढला असून आता त्याचा परिणा मध्य रेल्वेच्या वाहतुकीवरही दिसत आहे. लोकल सेवा 10 ते 15 मिनिट उशीराने सुरू आहे. तर पश्चिम रेल्वेही 6 मिनिटे उशीराने धावत आहे. दरम्यान मुंबईत आज पावासचा यलो अलर्ट असून रत्नागिरी जिल्ह्याला रेड अलर्ट देण्यात आला आहे. नीट परीक्षेबाबत आज सुप्रीम कोर्टात सुनावणी होणार. नीट परीक्षेबाबत दाखल करण्यात आलेल्या तब्बल 45 याचिकांबाबत एकत्रितपणे सुनावणी होणार असून विद्यार्थी व पालकांचं त्याकडे लक्ष लागलं आहे. उपमुख्यमंत्री अजित पवार आज पुणे दौऱ्यावर आहेत. पिंपरी चिंचवडमध्ये धक्का बसल्यानंतर अजित पवार ॲक्शन मोडवर आले असून पिंपरी चिंचवडमधील पदाधिकाऱ्यांची आज बैठक घेणार आहेत. पश्चिम महाराष्ट्रात झिका रुग्णसंख्येचा वेगाने प्रसार होत असून रुग्णांची संख्या 28 वर पोहोचली आहे. आरोग्य विभागाने रुग्ण आढळलेल्या तीन ते पाच किलोमीटर परिसरात स्क्रीनिंग करण्यास सुरुवात केली आहे. संशयित रुग्णांच्या रक्ताचे नमुने पुण्यातील एनआयव्ही प्रयोगशाळेत तपासणीसाठी पाठवण्यात येत आहेत. यासह अन्य महत्वाच्या बातम्या क्रीडा, मनोरंजन, राजकीय क्षेत्रातील बातम्या तुम्हाला या ब्लॉगमध्ये वाचायला मिळतील. त्यामुळे आज दिवसभर हा ब्लॉग फॉलो करा.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List