मुंबईत काल रात्रीपासून मुसळधार पाऊस कोसळतोय. मुंबईची लाइफ लाईन समजली जाणारी मध्य रेल्वे कोलमडली आहे. अनेक रेल्वे स्थानकात प्रवाशांची मोठी गर्दी झाल्याच चित्र आहे.
मुंबईत रविवारी रात्री 1 ते सोमवारी सकाळपर्यंत 7 वाजेपर्यंत 300 मिमी पावसाची नोंद झाली आहे. मुंबईला पावसाचा यलो अलर्ट दिला आहे. मुंबईत अनेक सखल भागात पाणी साचलं आहे. माटुंग्याच्या किंग सर्कल परिसरातील ही दृश्य आहेत.
मुंबईत सीजनमधील पहिल्याच पावसाने प्रशासनाची पोलखोल केली आहे. दरवर्षीप्रमाणे मुंबईत नालेसफाईचे दावे केले जात होते. पण मुंबापुरीची तुंबापुरी झाली आहे. कुर्ला बंटारा भवन भागातील ही दृश्य आहेत.
मुंबईत दररोज लाखो लोक लोकलने प्रवास करतात. मध्य रेल्वेला या पावसाचा मोठा फटका बसला आहे. मुसळधार पाऊस, रेल्वे स्थानकातील गर्दी आणि ट्रेनच कोलमडलेल वेळापत्रक यामुळे अनेक नोकरदारांनी पावल पुन्हा घराकडे वळली. विद्याविहार रेल्वे स्थानकातील ही दुश्य आहेत.
मुंबईत काल रात्रीपासून ढगांचा गडगडाट, वादळी वाऱ्यासह मुसळधार पाऊस सुरु आहे. काल दिवसभर ढगाळ वातावरण होतं. अधन-मधन पावसाच्या सरी कोसळत होत्या. पण संध्याकाळपासून पावसाने जोर पकडला. कुर्ला रेल्वे स्थानक परिसरातील ही दुश्य आहेत.
About The Author
.jpeg)
Comment List