टीडीपीचे प्रमुख एन चंद्राबाबू नायडू यांचा आज शपथविधी झाला. त्यांनी आज आंध्र प्रदेशच्या मुख्यमंत्री पदाची शपथ घेतली. या सोहळ्याला केंद्रीय गृहमंत्री अमित शाह उपस्थित होते. शपथ विधी सोहळ्यादरम्यानचा अमित शाह यांचा एक व्हिडिओ सोशल मीडियावर व्हायरल होतोय. या व्हिडिओमध्ये अमित शाह यांच्या चेहऱ्यावर थोडा राग दिसतोय. या व्हिडिओमध्ये अमित शाह हे तामिलसाई सौंदाराजन यांच्याशी बोलताना दिसतायत. तामिलसाई सौंदाराजन या तेलंगणच्या माजी राज्यपाल आहेत. हा व्हिडिओ सोशल मीडियावर व्हायरल झाला असून सोशल मीडियावर त्यावरुन विविध तर्क-वितर्क लावले जात आहेत.
अमित शाह आणि तामिलसाई सौंदाराजन यांचे हावभाव कॅमेऱ्यामध्ये कैद झाले आहेत. तामिलसाई यांनी स्टेजवर आल्यानंतर अमित शाह यांना नमस्कार केला. शाह यांच्या शेजारी एम. व्यंकय्या नायडू बसले होते. त्यांना सुद्धा नमस्कार केला. तामिलसाई पुढे गेल्यानंतर अमित शाह यांनी त्यांना मागे बोलावले. यावेळी दोघांमध्ये काहीतरी गंभीर चर्चा झाली. व्हिडिओमध्ये अमित शाह कुठल्यातरी विषयावरुन तामिलसाई सौंदाराजन यांना तंबी देतायत असं दिसतय. सोशल मीडियावर हा व्हिडिओ पाहून युजर्स वेगवेगळे अंदाज लावत आहेत.
That looks like a strong admonishment from Amit shah ji to Tamilisai akka . But what could be the reason for this “public” warning ? Unwarranted public comments ? pic.twitter.com/AExfbjak95
तामिळनाडू भाजपामध्ये जी अंतर्गत वादावादी सुरु आहे, त्याच्याशी या व्हिडिओचा संबंध जोडला आहे. तामिळनाडू भाजपाचे अध्यक्ष के अन्नामलाई आणि तामिलसाई सौंदाराजन यांच्या समर्थकांमध्ये अंतर्गत संघर्ष सुरु आहे. तामिळनाडूमधील सत्ताधारी DMK ने या अंतर्गत वादावादीकडे लक्ष वेधलय. “हे कुठलं राजकारण आहे? तामिळनाडूच्या प्रसिद्ध महिला नेत्याची जाहीरपणे ही सौम्य भाषेत कानउघडणी केली जातेय का? सगळे पाहणार हे अमित शाहना समजलं पाहिजे. हे खूप चुकीच उदहारण आहे” असं द्रमुकचे प्रवक्ते सर्वन्ना अन्नादुराई म्हणाले.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List