लोकसभा निवडणुकीचे निकाल आता स्पष्ट होताना दिसत आहे. महाराष्ट्रामध्ये महायुतीला मोठा फटका बसला असून महाविकास आघाडीने मुसंडी मारली आहे. राज्यात अनेक जागांवर धक्कादायक निकालांची नोंद झाली आहे. अशातच अहमदनगर लोकसभा मतदार संघाचा निकाल समोर आलाय. भाजपचे विद्यमान आमदार असलेल्या सुजय विखे-पाटील यांना मोठा धक्का बसला आहे. शरद पवार गटाचे महाविकास आघाडीचे उमेदवार निलेश लंके यांनी विखेंचा पराभव करत विजयश्री मिळवला आहे.
शरद पवार गटाकडून उभे राहिलेल्या निलेश लंके यांनी सुजय विखे पाटील यांचा 29 हजार 317 मतांनी पराभव केला आहे. सकाळी मतमोजणीला सुरूवात झाल्यापासूनच निलेश लंके आणि सुजय विखे-पाटील यांच्याच अटीतटीची लढाई सुरू होती. निलेश लंके आघाडीवर तर कधी सुजय विखे पाटील आघाडीवर जात होते अखेर लंके यांनी गुलाल उधळला.
कोरोनाकाळात निलेश लंके यांनी केलेल्या कामाचा त्यांना या निवडणुकीमध्ये फायदा झालेला दिसत आहे. निलेश लंके आणि सुजय विखेंमध्ये आरोप-प्रत्यारोप झालेले पाहायला मिळाले होते. मात्र सुजय विखे पाटील यांच्या घरासाठी मोठा धक्का मानला जात आहे. सुजय विखे पाटील यांचे वडील राधाकृष्ण विखे हे राज्य सरकारमध्ये मंत्री आहेत. 2019 साली सुजय विखे पाटील यांनी लोकसभा निवडणुकीमध्ये विजय मिळवला होता. विद्यमान खासदारच निवडणुकीला पडल्याने राज्यभरात जोरदार चर्चा होताना दिसत आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List