मुंबईत लोकसभेच्या एकूण सहाजागा आहेत. मागच्या दोन टर्मपासून मुंबईतील सर्वच्या सर्व जागा मोदी सरकारने जिंकल्या आहेत. आता, मात्र अशी परिस्थिती नाहीय. काँटे की टक्कर पहायला मिळतेय. दक्षिण मुंबई, दक्षिण मध्य मुंबई, उत्तर पश्चिम मुंबई, उत्तर मध्य मुंबई, ईशान्य मुंबई आणि उत्तर मुंबई या सहा लोकसभा मतदारसंघात महायुती विरुद्ध महाविकास आघाडी असा सामना आहे. काही मतदारसंघात शिंदे सेना विरुद्ध ठाकरे सेना तर काही मतदारसंघात भाजपा विरुद्ध काँग्रेस असा सामना आहे. मुंबईत मराठी भाषिकांबरोबर अन्य भाषिक मतदारही मोठ्या संख्येने आहेत. उत्तर भारतीय, गुजराती, मारवाडी आणि मुस्लिम मतदारांची संख्या लक्षणीय आहे. यात उत्तर भारतीय, गुजराती, मारवाडी मतदारांनी नेहमीच भाजपाला साथ दिलीय.
दोन वर्षांपूर्वी शिवसेनेत बंड झालं. शिवेसना शिंदे गट सत्तेत सहभागी झाला. उद्धव ठाकरे गट महाविकास आघाडीसोबत राहीला. मागच्यावर्षी राष्ट्रवादी काँग्रेसमध्ये फूट पडली. अजित पवार यांच्या नेतृत्वाखाली एक गट महायुती सरकारमध्ये तर शरद पवार यांचा गट विरोधी पक्षात महाविकास आघाडीमध्ये राहीला. त्यामुळे यंदाची लोकसभा निवडणूक रंजक बनली. निवडणूक आयोगाच्या निर्णयानुसार, उद्धव ठाकरे आणि शरद पवार यांच्याकडून निवडणूक चिन्ह आणि पक्ष गेला. त्यामुळे या दोन्ही नेत्यांबद्दल सहानुभूती निर्माण झाली. त्याशिवाय मोडतोड करुन सरकार बनवण सुद्धा जनतेला आवडलं नाही. त्यामुळे महाराष्ट्रात, मुंबईत यंदाची लोकसभा निवडणूक अटी-तटीची होणार यात शंका नाही.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List