संत्रानगरी म्हणून प्रसिद्ध असलेल्या नागपूर मतदारसंघाकडे ( Nagpur Lok Sabha Constituency ) देशाचे लक्ष लागले आहे. भाजपचे हेवीवेट नेते आणि केंद्रीय मंत्री नितीन गडकरी ( Candidate of BJP Nitin Gadkari ) हे सलग तिसऱ्यांदा निवडणुकीच्या रणांगणात उतरले आहेत. त्यांच्याविरोधात कॉंग्रेसने शहराध्यक्ष आणि आमदार विकास ठाकरे ( Candidate of Congress Vikas Thackeray ) यांना उतरविले आहे. पूर्वी हा मतदारसंघ कॉंग्रेसच्या ताब्यात होता. पण, 2014 च्या मोदी लाटेत गडकरी पहिल्यांदा येथून निवडून आले. तर, 2019 च्या निवडणुकीत गडकरी यांनी काँग्रेस उमेदवार नाना पटोले यांचा 2 लाख 16 हजार 009 मतांनी पराभव केला होता.
कोण आहेत विकास ठाकरे ?
नितीन गडकरी यांच्या विरोधात कॉंग्रेसने विकास ठाकरे यांना उमेदवारी दिली. विकास ठाकरे हे पश्चिम नागपुर विधानसभा मतदारसंघातून आमदार म्हणून निवडून आले आहेत. 2002 च्या महापालिका निवडणुकीत ते विजयी झाले आणि पहिल्याच टर्ममध्ये त्यांच्याकडे नागपूरचे महापौरपद चालून आले. तर, 2007 मध्ये ते विरोधी पक्षनेते होते. 2009 मध्ये त्यांनी दक्षिण पश्चिम मतदारसंघातून देवेंद्र फडणवीस यांच्याविरोधात विधानसभा निवडणुक लढविली. पण, त्यांचा पराभव झाला. गेल्या दहा वर्षांपासून आ. ठाकरे हे नागपूर शहर काँग्रेसचे अध्यक्ष आहेत.
नागपूरात किती टक्के मतदान झाले?
नागपुरमध्ये एकूण 54.33 टक्के मतदान झाले. नागपूर लोकसभा मतदारसंघात 22 लाख 23 हजार 281 मतदार आहेत. त्यापैकी प्रत्यक्षात 12 लाख 07 हजार 344 जणांनी मतदान केले होते. घातलेल्या मतदानाचा नेमका फायदा कुणाला झाला हे पाहणे महत्वाचे ठरणार आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List