Exit Poll 2024 : 1 जून रोजी सातव्या टप्प्यातील मतदान झाले आणि लोकशाहीच्या उत्सवातील अंतिम पडाव पूर्ण झाला. आता 4 जूनच्या निकालाकडे देशाचे लक्ष लागेल आहे. मतदान प्रक्रिया पूर्ण झाल्यावर लागलीच एक्झिट पोल जाहीर झाले. सर्वांनीच भाजपच्या बाजूने एकमत दिले आहे. पण काही राज्यांत भाजपच्या विजयाला काँग्रेस सुरुंग लावण्याची दाट शक्यता वर्तविण्यात येत आहे. एबीपी-सी वोटरच्या एक्झिट पोलनुसार, NDA आणि I.N.D.I.A आघाडीत देशभरात काँटे की टक्कर होईल. देशातील काही राज्यात काँग्रेस आघाडी चमत्कार दाखवेल.
कोणती आहेत ही राज्ये
एबीपी न्यूज-सी वोटर एक्झिट बोल नुसार, तामिळनाडू, तेलंगणा, केरळ, जम्मू-काश्मीर, हरियाणा, गोवा आणि पंजाबमध्ये NDA च्या विजयाचा मार्ग प्रशस्त नाही. तर त्यात अनेक अडचणी आहेत. मतदानाच्या टक्केवारीवर अर्थातच इंडिया आघाडीचे प्राबल्य दिसून येते. भाजप नेतृत्वातील एनडीएला या राज्यात मोठी धोबीपछाड मिळण्याची शक्यता वर्तविण्यात येत आहे.
केरळमध्ये भाजपचे काय गणित
केरळमध्ये काँग्रेस प्रणित इंडिया आघाडीला 42 टक्के, एनडीएला 23 टक्के तर एलडीएफला 33 टक्के तर इतरांना 2 टक्के मतदान मिळण्याची दाट शक्यता आहे.
तामिळनाडूत इंडियाची आघाडी
तामिळनाडूवर यंदा भाजपचे बारीक लक्ष होते. तरीही इंडिया अलायन्स आघाडीवर असण्याची शक्यता आहे. या राज्यात इंडियाला आघाडीला 46 टक्के, NDA ला 19 टक्के, AIADM ला 21 टक्के तर इतरांना 14 टक्के मत मिळण्याची शक्यता आहे.
तेलंगणात पारडे जड
एबीपी न्यूज-सी वोटरच्या एक्झिट पोलनुसार, तेलंगणामध्ये इंडिया आघाडीला 39 टक्के, एनडीएला 33 टक्के, बीआरएसला 20 टक्के तर AIMIM ला 2 टक्के आणि इतरांना 6 टक्के मत मिळण्याचा अंदाज आहे.
गोवा सांगा कुणाचे?
गोव्यात भाजपची एकहाती सत्ता आहे. गेल्या कित्येक वर्षांपासून गोवा आणि भाजप हे समीकरण पक्के आहे. पण यावेळी लोकसभेत चित्र पालटण्याचा अंदाज आहे. इंडिया आघाडीला 46 टक्के, NDA ला 45 टक्के तर इतरांना 9 टक्के जागा मिळण्याचा अंदाज व्यक्त होत आहे.
हरियाणाचा चौधरी कोण?
हरियाणामध्ये एमएसपी आणि इतर मागण्यांवरुन शेतकऱ्यांनी मोठा संघर्ष केला आहे. दिल्लीच्या सीमा रेषेवर जे रणकंदन झाले. त्याचे अवघे जग साक्षीदार झाले. या राज्यात काँग्रेस आघाडीला 45 टक्के, भाजप नेतृत्वातील एनडीएला 42.8 टक्के तर इतरांना 12.2 टक्के मतदान मिळू शकते.
पंजाबचा सरकार कोण?
पंजाबमध्ये विधानसभेला आपने जोरदार मुसंडी मारली होती. काँग्रेस आणि आपचे आता आता सुर जुळले. INDIA आघाडीला 32.7 टक्के, NDA ला 21.3 टक्के तर शिरोमणी अकाली दलाला 21 टक्के मत मिळण्याची शक्यता आहे.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List