अंडरवर्ल्ड डॉन अरुण गवळीला मुदतपूर्व शिक्षेपासून सोडण्यास राज्य सरकारचा विरोध असून गृह विभागाने सुप्रीम कोर्टात धाव घेतली आहे. कमलाकर जामसांडेकर खून प्रकरणात जन्मठेपेची शिक्षा भोगत असलेला अरुण गवळी उर्फ डॅडीने वयाची 65 वर्ष पूर्ण केली. 2015 सालच्या नियमाचा आधार घेत शारीरिक दृष्ट्या अशक्त असल्याने उर्वरित शिक्षा कमी करावी अशी मागणी करत मुंबई उच्च न्यायालयाच्या नागपूर खंडपीठात याचिका दाखल केली होती. नागपूर खंडपीठाने 5 एप्रिल 2024 रोजी गवळीची विनंती मान्य करत गृह विभागाला चार आठवड्यात निर्णय घेण्याचे आदेश दिले होते. घाटकोपर होर्डिंग दुर्घटना प्रकरणात भिंडे याच्या विरोधात चार साक्षीदारांनी त्यांची साक्ष नोंदवली. होर्डिंग क्रॅशला कारणीभूत असलेल्या इगो मीडियाचे संचालक भावेश भिंडे यांच्याविरुद्ध चार साक्षीदारांनी न्यायदंडाधिकारी न्यायालयासमोर आपला जवाब दिला. मुंबईला पाणीपुरवठा करणाऱ्या धरणांतील पाणीसाठा खालावत चालला आहे त्यामुळं मुंबईकरांवर पुन्हा पाणीकपातीचं संकट येण्याची शक्यता आहे. यासह अन्य महत्वाच्या बातम्या क्रीडा, मनोरंजन, राजकीय क्षेत्रातील बातम्या तुम्हाला या ब्लॉगमध्ये वाचायला मिळतील. त्यामुळे आज दिवसभर हा ब्लॉग फॉलो करा.
सौ. मनिषा-थोरात-पिसाळ गेल्या १२ वर्षांपासून पत्रकारिता क्षेत्रात कार्यरत आहेत. ‘‘न्यूज एक्सप्रसे मराठी’’ या पुणे जिल्ह्यातील आघाडीच्या न्यूज पोर्टलच्या कार्यकारी संपादक म्हणून जबाबदारी सांभाळत आहेत. सामाजिक, राजकीय, शैक्षणिक आणि औद्योगिक क्षेत्रातील विविध समाजपयोगी उपक्रमांमध्ये त्यांनी योगदान दिले आहे.
.jpeg)
Comment List