अडीच वर्षांच्या मुख्यमंत्रिपदावरुन मातोश्रीत बाळासाहेबांच्या खोलीत नेमकं काय घडलं?

उद्धव ठाकरे यांनी अडीच वर्षांच्या मुख्यमंत्रिपदावरुन, अमित शाहांनी बाळासाहेबांच्या खोलीत काय म्हटलं. नेमकं काय ठरलं होतं याचा खुलासा उद्धव ठाकरेंनी TV9च्या मुलाखतीत केला आहे. त्यावर फडणवीसांनीही नवे गौप्यस्फोट केले आहेत. अडीच वर्षे मुख्यमंत्रिपदाचा शब्द कुठून आला ? आणि अमित शाह मातोश्रीवर येण्याआधीच कशी चर्चा थांबली हेही सांगितलं.

चर्चा थांबल्यानंतर पुन्हा उद्धव ठाकरेंनीच मध्यर्थ्याद्वारे मेसेज पाठवला आणि पुन्हा चर्चा सुरु झाल्याचं फडणवीसांनी सांगितलं. तसंच उद्धव ठाकरेंचा दाव्यावर फडणवीसांनी मोठा गौप्यस्फोट केला. स्वत: अमित शाहांसमोर उद्घव ठाकरेंनी मला, मी यू टर्न घेतो असं सांगितलं. आणि शिवसैनिकांना काही तरी मिळाल्यासारखं वाटेल असं पत्रकार परिषदेत बोला, हे उद्घव ठाकरेंनीच सांगितल्याचं फडणवीसांचं म्हणणं आहे..

जर उद्धव ठाकरेंना मुख्यमंत्रिपदाचा शब्द दिलाच होता…तर मग त्यांनी जाहीरसभेतून का सांगितलं नाही, हे आतापर्यंत अमित शाह आणि फडणवीस विचारत होते…पण TV9च्या मुलाखतीतून त्यावर उद्धव ठाकरे बोलल्यानंतर आता 5-6 वर्षांनी सूचलं का असा सवाल फडणवीसांनी केला.

सुरुवातीचे अडीच वर्षे भाजपचेच होते आणि भाजपचाच मुख्यमंत्री होणार असल्यानं आपण जाहीरसभेतून बोललो नाही असं उद्धव ठाकरे म्हणाले मग, त्यावेळी माझा फोन का घेतला नाही ?, असा सवाल फडणवीसांनी केलाय.

आपण अडीच वर्षांचा शब्द दिलाच नाही, हे भाजपकडून नाकारलं जातंय. पण आई वडिलांसह उद्धव ठाकरे तुळजाभवनाची शपथ घेत आहेत. TV9च्या मुलाखतीतही उद्धव ठाकरेंनी त्याचा उल्लेख केला होता. पुढच्या 6 महिन्यात पुन्हा विधानसभेच्या निवडणुका येणार आहेत..पण अजूनही 2019च्या निवडणुकीआधी बाळासाहेबांच्या खोलीतल्या बोलणीवरुन अजूनही खलबतं सुरुच आहे. ज्या अडीच वर्षांच्या मुख्यमंत्रिपदावरुन युती तुटली. पुढे शिवसेनेही फुटली. त्यावरुन उद्धव ठाकरे आणि फडणवीसांच्या मुलाखतीतून दोघांच्याही बाजू समोर आल्यात.